Manmohan Singh on GST: டெல்லியில் நேற்று காங்கிரஸ் கட்சி தலைவர் சோனியா காந்தி தலைமையில் கட்சியை பலப்படுத்தும் விதமாக வடகிழக்கு மாநில காங்கிரஸ் தலைவர்களின் ஆலோசனைக் கூட்டம் நடைபெற்றது.
இந்தக்கூட்டத்தில், மேகாலயா, மிசோரம் உள்ளிட்ட மாநிலங்களின் தலைவர்களும், கட்சி நிர்வாகிகளும் கலந்துகொண்டனர். மக்களிடம் காங்கிரஸ் கட்சி சந்திக்கும் பிரச்னைகள், தொண்டர்களிடம் தலைவர்களுக்கு உள்ள விரிசல்களை குறைக்கவும் ஆலோசனை நடத்தப்பட்டது.
இதில் பேசிய முன்னாள் பிரதமர் மன்மோகன் சிங், இந்தியாவில் ஏற்பட்டு வரும் பொருளாதார மந்த நிலைகளுக்கு மத்திய பாஜக அரசு அறிவித்த ஜிஎஸ்டி வரி விதிப்பே காரணம் என்றார். மேலும், இந்த வரிகள் குறைக்கப்படும்வரை இந்த மந்தநிலை தொடரும் எனவும் தெரிவித்திருக்கிறார்.
