குருகிராமில் சந்தேகத்திற்கிடமான முறையில் எரிந்து நிலையில் கிடந்த உடல்

ஹரியானா: குருகிராமில் உள்ள தனது பிளாட்டில் நடுத்தர வயது நிறைந்த நபர் ஒருவர் சந்தேகத்திற்கிடமான முறையில் இறந்து கிடந்த சம்பவம் சோகத்தை ஏற்படுத்தியுள்ளது.

ஹரியானா மாநிலம் குருகிராமில் உள்ள பிளாட்டில் சஞ்சீவ் குலியா (45) என்பவர் வசித்துவந்தார். இந்நிலையில், சனிக்கிழமை காலை சந்தேகத்திற்கிடமான முறையில் வீட்டிற்குள் இறந்து கிடந்துள்ளார். இதனைக் கண்டறிந்த பக்கத்து வீட்டுக்காரர் உடனடியாகக் காவல் துறைக்குத் தகவல் தெரிவித்தார்.

தகவலறிந்து சம்பவ இடத்திற்கு வந்த எஸ்.ஹெச்.ஓ.வின் நவின் பிராஷர் சதர் காவல் துறையினர் இறந்தவரின் உடலைக் கைப்பற்றி, உடற்கூறாய்வுக்காக அரசு மருத்துவமனைக்கு அனுப்பிவைத்தனர். இதனையடுத்து, இச்சம்பவம் குறித்து வழக்குப்பதிவு செய்து காவல் துறையினர் விசாரணை மேற்கொண்டனர். அதில், சஞ்சீவ் குலியா தங்கியிருந்த ​​பிளாட்டில் மின்சார இணைப்புகள் ஏதுமில்லை.

இறந்தவர் இரவில் மெழுகுவர்த்தியைப் பயன்படுத்தியிருக்க அதிக வாய்ப்புகள் இருக்கின்றன. காரணம் ஜன்னல்களை மூடியிருக்கும் திரைச்சீலையில் தீப்பிடித்திருக்கலாம். ஜன்னல் அருகே மெழுகுவர்த்தி இருக்கிறது என சந்தேகத்தின் அடிப்படையில் காவல் துறையினர் தரப்பில் தெரிவிக்கப்பட்டுள்ளது.

மேலும், உடற்கூறாய்வு செய்யப்பட்ட சஞ்சீவ் குலியா உடலை காவல் துறையினர் அவரது குடும்பத்தினரிடம் ஒப்படைத்தனர்.

இதையும் படிங்க: தங்கத் தட்டில் உணவருந்துகிறாரா ட்ரம்ப்?