2019 தேர்தலுக்கான முதற்கட்ட வாக்குப்பதிவு இன்று தொடங்கியுள்ளது. கர்நாடகவில் மொத்தமுள்ள 28 மக்களவை தொகுதிகளுக்கும் இரண்டு கட்டமாக ஏப்ரல் 18, 23 ஆம் தேதி நடைபெறவுள்ளது. இதற்காக அங்கு அனைத்துக் கட்சிகளும் தீவிர பிரச்சாரத்தில் ஈடுபட்டு வருகின்றனர்.
இந்நிலையில் அகில இந்திய காங்கிரஸ் கட்சி செய்தி தொடர்பாளர் குஷ்பூ, கர்நாடக மாநில தலைநகரான பெங்களூரில் நேற்று பரப்புரை மேற்கொண்டார்.
குஷ்பு தீவிர பரப்புரை மேற்கொண்டிருக்கும் போது, காங்கிரஸ் தொண்டர் ஒருவரை குஷ்பூ கன்னத்தில் அறைந்துள்ளார். அந்த இளைஞர் தவறான எண்ணத்தில் கை வைத்ததால் குஷ்பூ கன்னத்தில் அறைந்ததாக கூறப்படுகிறது.
இந்த வீடியோ தற்போது சமூக வலைத்தளத்தில் வைரலாகி வருகிறது.
