தீபிகா படுகோன் மீதான விமர்சனத்துக்கு கனிமொழி கண்டனம்

டெல்லி: ஜே.என்.யூ. மாணவர்களுக்கு ஆதரவு தெரிவித்ததற்காக நடிகை தீபிகா படுகோன் மீது விமர்சனங்கள் குவிந்துவரும் நிலையில், அதற்கு மக்களவை உறுப்பினர் கனிமொழி கண்டனம் தெரிவித்துள்ளார்.

ஜே.என்.யூ. பல்கலைக்கழகத்தில் கடந்த ஞாயிற்றுக்கிழமை நடந்த வன்முறைத் தாக்குதலில் காயமடைந்த அப்பல்கலைக்கழக மாணவர் சங்கத் தலைவி அயிஷ் கோஷை, மக்களவை உறுப்பினர் கனிமொழி இன்று நேரில் சந்தித்துப் பேசினார்.

பின்னர் கனிமொழி செய்தியாளர்களைச் சந்தித்துப் பேசினார். தீபிகா படுகோனை சமூக வலைதளங்களில் விமர்சிப்பது குறித்த கேள்விக்கு பதிலளித்த அவர், "நான் இந்திப்படங்கள் அதிகம் பார்ப்பதில்லை. ஆனால், தீபிகாவை விமர்சிக்கும் நபர்கள், என்னை அவரது படங்களைப் பார்க்கத் தூண்டுகிறார்கள்" என்றார்.