ஜம்முவில் பேருந்து கவிழ்ந்து விபத்து: 25 பேர் பலி

ஜம்மு: கிஸ்த்வார் மாவட்டத்தில் மினி பேருந்து ஒன்று பள்ளத்தாக்கில் கவிழ்ந்து விபத்துக்குள்ளானதில், 25 பயணிகள் உயிரிழந்தனர்.

ஜம்மு - காஷ்மீர் மாநிலம் கேஷ்வானிலிருந்து பயணிகளை ஏற்றி கிஸ்த்வாரை நோக்கி சென்று கொண்டிருந்த மினி போருந்து, இன்று காலை, ஸ்ரிக்வாரி என்ற இடத்தில் திடீரென ஓட்டுநரின் கட்டுப்பாட்டை இழந்து பள்ளத்தாக்கில் கவிழ்ந்தது.

இந்த விபத்தில் 25 பயணிகள் பலியாகினர். காயமடைந்தவர்கள் அருகில் உள்ள மருத்துவமனையில் அனுமதிக்கப்பட்டுள்ளனர். மலைப் பகுதியில் விபத்து நடந்துள்ளதால் பலி எண்ணிக்கை மேலும் அதிகரிக்ககூடும் என்று அஞ்சப்படுகிறது.