உலகம் முழுக்க மனித உயிர்களுக்கு கரோனா (கோவிட்-19) வைரஸ் மிகப்பெரும் அச்சுறுத்தலாக உள்ளது. இந்த வைரஸை அழிக்கும் விதமாக மருத்துவ உபகரணங்கள், மருந்துகள், மாத்திரைகள் கண்டறியும் முயற்சியில் உலக சுகாதார அமைப்பு ஈடுபட்டுவருகிறது.
இந்த ஆராய்ச்சி பணிகளில் இந்திய மருத்துவர்களும் பரஸ்பர ஒத்துழைப்பை வழங்குகின்றனர். இதற்கான அறிவிப்பை இந்திய மருத்துவ ஆராய்ச்சி கவுன்சில் (ஐ.சி.எம்.ஆர்.) வெளியிட்டுள்ளது. அதன்படி சர்வதேச மருத்துவ ஆராய்ச்சியாளர்களுடன் இணைந்து கோவிட்-19க்கான மருந்தை கண்டறியும் ஆராய்ச்சியில் இவர்கள் ஈடுபடுகின்றனர்.
இந்தியாவிலிலுள்ள மருத்துவ அமர்வுக்கு புனே தேசிய எய்ட்ஸ் ஆராய்ச்சி நிறுவன மருத்துவ ஆராய்ச்சியாளர் ஷீலா குட்போலோ ஒருங்கிணைப்பாளராக நியமிக்கப்பட்டுளளார். இந்தியாவில் இரண்டாயிரத்து 322 பேர் கோவிட்-19 வைரஸ் தொற்றினால் பாதிக்கப்பட்டுள்ளனர். உலகம் முழுக்க அதன் பாதிப்பு 11 லட்சத்தை தாண்டிவிட்டது. அந்த வகையில் ஒவ்வொரு நிமிடத்துக்கும் ஒரு உயிரிழப்பு என்ற மோசமான நிலைக்கு உலக நாடுகள் தள்ளப்பட்டுள்ளன.
இதையும் படிங்க: குஜராத்தில் 70 ரயில் பெட்டிகள் கோவிட்-19 வார்டுகளாக மாற்றம்!
