புதுச்சேரியில் தேசிய ஊரடங்கு காரணமாக நாற்பதிற்கும் மேற்பட்ட நாட்களாக, மீனவர்கள் கடலுக்குச் செல்லவில்லை. இதனிடையே ஏப்ரல் 15-ஆம் தேதிக்குப் பின் மீன்பிடித் தடைக்காலம் அமலுக்கு வந்தது. இதனால் கட்டுமர மீனவர்கள் மட்டுமே தற்போது கடலுக்குச் சென்று, மீன்பிடித்து வியாபாரம் செய்து வருகின்றனர்.
மீனவர்கள் விசைப்படகுகளை இயக்க முடியாததால், அவற்றை தேங்காய்த்திட்டு துறைமுகப்பகுதியில் நிறுத்தி வைத்துள்ளனர். வழக்கமாக, மீன்பிடித் தடைக்காலத்தின்போது, மீனவர்கள் தங்களின் படகுகளை சரிபார்ப்பதும் வழக்கமானது. ஆனால், கரோனா வைரஸ் பாதிப்பு காரணமாக இந்த ஆண்டு இப்பணிகளில் மீனவர்கள் ஆர்வம் காட்டவில்லை .
இந்நிலையில் கட்டுமரத்தில் சென்று மீனவர்கள் மீன்பிடித்து வருகின்றனர். மேலும் பெரிய மீன்களைப் பிடிக்க, மீனவர்கள் தூண்டில்களைப் பயன்படுத்தி வருகின்றனர். அதில், சிறிய அளவிலான மரக்கட்டைகளைக் கொண்டு தயாரிக்கப்பட்ட மீன் போன்ற உருவங்களை, ஒளிரும் வண்ணத்தில் மீனவர்கள் தயாரிக்கின்றனர். அதனுள் தூண்டில் முள்கள் இணைத்து கடலுக்குச் சென்று வீசி, பெரிய மீன்களைப் பிடித்து வருகின்றனர். மீனவர்களின் இந்த நூதன முயற்சியை மக்கள் பாராட்டி வருகின்றனர்.
இதையும் படிங்க:
25 நாட்களுக்குப் பின் கடலுக்குச் சென்று திரும்பிய மீனவர்கள்!
