இந்திய கம்யூனிஸ்ட் கட்சியின் தேசிய பொதுச்செயலாளராக இருந்த சுதாகர் ரெட்டி, கடந்த ஓராண்டாக சளித் தொந்தரவு தமக்கு அதிகமாக இருப்பதாகவும், தனக்கு ஓய்வு வேண்டும் எனவும் கட்சியின் செயற்குழுவில் கேட்டுக்கொண்டார்.
இந்நிலையில், டெல்லியில் நேற்று கூடிய அக்கட்சியின் தேசிய நிர்வாகக்குழு கூட்டத்தில் கட்சியின் அடுத்த பொதுச் செயலாளராக டி.ராஜா தேர்வு செய்யப்பட்டுள்ளார்.
தமிழ்நாட்டில் உள்ள வேலூர் மாவட்டம் குடியாத்தம் அருகே உள்ள சித்தாத்தூர் கிராமத்தில் பிறந்த டி.ராஜா, கடந்த 20 வருடங்களுக்கும் மேலாக இந்திய கம்யூனிஸ்ட் கட்சியின் தேசிய செயற்குழுவில் முக்கிய பங்காற்றியவர். இந்நிலையில், அவர் தற்போது தேசிய பொதுச் செயலாளராகத் தேர்வு செய்யப்பட்டுள்ளார்.
