மாஸ்கோ சென்றடைந்த ராஜ்நாத் சிங்!

மாஸ்கோ: மூன்று நாள் அரசு பயணமாக பாதுகாப்பு துறை அமைச்சர் ராஜ்நாத் சிங் ரஷ்யா சென்றடைந்தார்.

இரண்டாம் உலகப் போரில் ரஷ்யா வெற்றி பெற்று 75 ஆண்டுகள் நிறைவடைந்துள்ளன. இதனை கொண்டாடும் விதமாக நாளை மாஸ்கோவில் பிரமாண்ட ராணுவ அணிவகுப்பு நிகழ்ச்சி நடைபெறவுள்ளது.

இதில் ராஜ்நாத் சிங் பங்கேற்கவுள்ளார். இந்தியாவுக்கும் ரஷ்யாவுக்கும் இடையேயான ராணுவ உறவு குறித்து அவர் பேசுவார் என எதிர்பார்க்கப்படுகிறது. இந்தியாவுக்கும் சீனாவுக்கும் இடையே போர் பதற்றம் நிலவிவரும் சூழலில் அவரது ரஷ்ய பயணம் முக்கியமானதாக பார்க்கப்படுகிறது