ஊரடங்கு உத்தரவு காரணமாக பிற மாநிலங்களில் பணிபுரிந்த தொழிலாளர்கள் அவரவர் சொந்த மாநிலத்திற்கு அனுப்பப்பட்டு வருகின்றனர். மேலும் பயணம் செய்பவர்களின் விவரங்களும் சரிபார்க்கப்படுகின்றன.
இதேபோல் கர்நாடக மாநிலத்தில் பாகல்கோட் காவல் நிலையம் அருகில் சொந்த ஊருக்கு பயணம் செய்ய இருந்தவர்களின் விவரங்களை ஆஷா (சமூக சுகாதார ஆர்வலர்) என்பவர் சரிபார்த்து கொண்டிருந்தார். அப்போது விட்டல் கஸ்தி என்ற பயணி அவரைத் தாக்கியுள்ளார்.
இதுகுறித்து காவல் துறையினர் கூறுகையில், ” விட்டலின் பழைய பயண விவரங்களை விசாரனை செய்யும்போது ஆஷா தாக்கப்பட்டுள்ளார். மேலும் விட்டல் அவரின் வயிற்றிலும், மார்பிலும் தாக்கியுள்ளார். தற்போது இதுகுறித்து இரண்டு பேரை கைது செய்து வழக்குப்பதிவு செய்யப்பட்டு விசாரணை மேற்கொள்ளப்பட்டு வருகிறது” என்றார்.
இதையும் படிங்க: கல்வி டிவியில் நீட் தேர்வு பயிற்சி - யூடியூப் மூலம் மறுஒளிபரப்பு
