மத்திய அரசின் உயர் அலுவலர்களிடையே கோவிட்-19 நோய்த் தொற்று தொடர்ந்து அதிகரித்து வருவது மூத்த அலுவலர்களிடையே கவலையை ஏற்படுத்தியுள்ளது. இதனை தொடர்ந்து, ஜூன் 9ஆம் தேதியன்று புதிய அறிவுறுத்தல்களை மத்திய அரசு வெளியிட்டது. அதில், ஒரு அறையில் இரண்டு அலுவலர்களுக்கு மேல் இருக்கக் கூடாது. ஒரே நேரத்தில் துணை செயலரின் கீழ் மொத்தம் 30 அலுவலர்கள் மற்றும் பணியாளர்கள் மட்டுமே பணியில் இருக்க வேண்டும் என்று கட்டுப்பாடு விதித்துள்ளது.
இந்த புதிய உத்தரவானது, தொற்று பாதிக்கப்படும் மத்திய அரசாங்கத்தின் இரண்டாவது அலுவலராக முதலீட்டுத் துறை செயலாளர் துஹின் காந்த் பாண்டேவுக்கு கடந்த செவ்வாய்க்கிழமையன்று (ஜூன் 9) கோவிட்-19 தொற்று உறுதி செய்யப்பட்டதை அடுத்து பிறப்பிக்கப்பட்டது. கடந்த வாரம், பாதுகாப்பு செயலர் டாக்டர் அஜய் குமார் மற்றும் மத்திய அரசின் தலைமை செய்தித் தொடர்பாளர் கே.எஸ். தத்வாலியா ஆகியோருக்கு கரோனா தொற்று உறுதி செய்யப்பட்டது.
"அரசாங்க அலுவலகத்தில் நோய்த் தொற்று உறுதி செய்யப்படும் அலுவலர்களின் எண்ணிக்கை நாளுக்கு நாள் வேகமாக அதிகரித்து வருகிறது. அலுவலர்களைப் பாதுகாப்பதில் மிகுந்த முன்னெச்சரிக்கை தேவை” என ஜவுளித்துறை அமைச்சகம் நேற்று (ஜூன் 11) வெளியிட்ட உத்தரவில் கூறப்பட்டிருந்தது. மேலும், ஒரே நேரத்தில் இரண்டுக்கும் மேற்பட்டவர்கள் ஒரு அறையில் இருக்கக்கூடாது என்றும், தனியார் டாக்சிகள் உள்பட பொது போக்குவரத்தை ஊழியர்கள் பயன்படுத்த வேண்டாம், கட்டுப்பாட்டு மண்டலங்களிலோ அல்லது அதன் அருகில் வசிப்பவர்கள் அலுவலகத்திற்கு வருவதை தவிர்க்க வேண்டும் என்று அந்த உத்தரவில் கூறப்பட்டுள்ளது.
தூய்மை பணி மேற்கொள்ளும் நோக்கத்திற்காக கட்டடம் மூடப்பட்டிருப்பதாக முதலீடு மற்றும் பொது சொத்து மேலாண்மை துறை ஊழியர்களுக்கு தெரிவித்த அலுவலக குறிப்பாணை, இரண்டு அலுவலர்களுக்கும் முதலீட்டுத் துறை செயலருக்கும் நோய்த் தொற்று இருப்பதை உறுதிப்படுத்தியது. துஹின் காந்த் பாண்டே விஷயம் மட்டுமல்ல, பாதுகாப்பு செயலர் டாக்டர் அஜய் குமார், பிஐபி தலைவர் கே.எஸ். தத்வாலியா ஆகியோரை தவிர, நிதி அமைச்சகத்தின் செயலர் ரீட்டா மால், சட்டம் மற்றும் நீதி அமைச்சகத்தின் இணை செயலர் டாக்டர் நாராயண் ராவ் பட்டு ஆகியோரும் சமீபத்தில் நோய்த் தொற்றால் பாதிக்கப்பட்டுள்ளனர்.
மத்திய அரசாங்கத்தின் விளம்பரக் குழுவின் முதன்மை இயக்குநர் ஜெனரலான தத்வாலியா, சுகாதார மற்றும் குடும்ப நல அமைச்சகம் மற்றும் வீட்டு விவகார அமைச்சின் கூட்டு கோவிட் மாநாட்டில் உரையற்றினார். இதனிடையே, தத்வாலியாவின் ஓட்டுநருக்கு நோய்த் தொற்று உறுதி செய்யப்பட்டதைத் தொடர்ந்து அவருடன் நெருக்கமாக பணியாற்றி வரும் அனைத்து அலுவலர்களும் தங்களைத் தாங்களே தனிமைப்படுத்திக் கொண்டனர்.
கே.எஸ். தத்வாலியா கடந்த வாரம் நடைபெற்ற இரண்டு அமைச்சரவை கூட்டத்துக்கு தலைமை தாங்கினார். தகவல் மற்றும் ஒளிபரப்பு அமைச்சர் பிரகாஷ் ஜவடேகர், போக்குவரத்து துறை அமைச்சர் நிதின் கட்கரி, வேளாண்மை துறை அமைச்சர் நரேந்திர சிங் தோமர் ஆகியோரும் அதில் பங்கேற்றனர்.
கடந்த செவ்வாய்க்கிழமையன்று, தகவல் தொடர்பு துறை அமைச்சர் ரவிசங்கர் பிரசாத்துடன் தத்வாலியா பத்திரிகையாளர் சந்திப்பை கூட்டினார், இதில் நிதி ஆயோக் தலைமை நிர்வாக அலுவலர் அமிதாப் காந்த், தகவல் தொடர்பு செயலர் சஞ்சய் தோத்ரே ஆகியோர் கலந்து கொண்டனர். இந்த அமைச்சர்கள் அனைவரும் பிரதமர் நரேந்திர மோடி தலைமையில் புதன்கிழமையன்று நடைபெற்ற மத்திய அமைச்சரவைக் கூட்டத்தில் கலந்து கொண்டனர். இது அத்தியாவசிய சேவைகள் சட்டத்தில் நீண்டகால திருத்தங்களை நீக்கியதுடன், விவசாயிகளுக்கு நாடு முழுவதும் தங்கள் விளைபொருள்களை சந்தைப்படுத்த அதிக சுதந்திரம் அளிக்கும் இரண்டு சட்ட வரைவுகளுக்கும் ஒப்புதல் அளிக்கப்பட்டது.
தத்வாலியாவிற்கு தொற்று உறுதியான பின்னர் மத்திய அமைச்சர்கள், உயர் அலுவலர்கள் சுய தனிமைப்படுத்தும் விதிமுறைகளைப் பின்பற்றுகிறார்கள் என்பது தற்போதுவரை தெளிவாகத் தெரியவில்லை. இருப்பினும், செய்தி தொடர்பு துறை கட்டடம் சுத்திகரிப்பு நோக்கத்துக்காக சீல் வைக்கப்பட்டது. செய்தி தொடர்பு துறை உயர் அலுவலருக்கு கரோனா தொற்று உறுதிப்படுத்தப்பட்ட செய்தி வெளியானதைத் தொடர்ந்து சுகாதார அமைச்சகம் மற்றும் உள்துறை அமைச்சகம் நடத்தும் வழக்கமான கூட்டு கோவிட் கூட்டம் நடைபெறவில்லை.
பாதுகாப்பு செயலர் டாக்டர் அஜய் குமாருக்கு கடந்த வாரம் தொற்று உறுதிப்படுத்தப்பட்ட பின்னர், எத்தனை பாதுகாப்பு அமைச்சக அலுவலர்கள், தங்களைத் தாங்களே தனிமைப்படுத்திக் கொண்டனர். மாநிலத் தலைவர்களும் அலுவலர்களும் கோவிட் தொற்றால் பாதிக்கப்பட்டுள்ளனர். மத்திய அரசு அலுவலகங்கள் போலவே மாநில அரசு அலுவலகங்களிலும், அதிக வைரஸ் தொற்று தாக்கியுள்ளது. புதன்கிழமையன்று (ஜூன் 10) நாட்டில் 8,000க்கும் அதிகமானோரையும் உலகளவில் 4,19,000க்கும் அதிகமான மக்களையும் கொன்ற கரோனா வைரஸுக்கு சட்டப்பேரவை உறுப்பினராக திமுகவைச் சேர்ந்த ஜெ. அன்பழகனும் இரையானார்.
கடந்த வாரம், உத்தரகாண்ட் அமைச்சர் சத்பால் மகாராஜ், அவரது மனைவி அமிர்தா ராவத், இரண்டு மகன்கள் உள்பட அவரது குடும்பத்தின் 21 உறுப்பினர்களுக்கு கரோனா வைரஸ் தொற்று உறுதி செய்யப்பட்டது, அதன்பிறகு முதலமைச்சர் திரிவேந்திர சிங் ராவத் உள்ளிட்ட அவரது பல அமைச்சரவை சகாக்கள் தங்களை சுய தனிமைப்படுத்தலுக்கு உட்படுத்த வேண்டியிருந்தது.
