குடியுரிமை திருத்தச் சட்டம் கடந்த மாதம் நாடாளுமன்றத்தில் நிறைவேற்றப்பட்டது. இதைத்தொடர்ந்து, கேரள சட்டப்பேரவையில் குடியுரிமை திருத்தச் சட்டத்துக்கு எதிராக தீர்மானம் நிறைவேற்றப்பட்டது. அதைத்தொடர்ந்து உச்ச நீதிமன்றத்தில் வழக்கும் தொடர்ந்துள்ளனர். இதேபோல மேற்குவங்க அரசும் குடியுரிமை திருத்தச் சட்டத்துக்கு எதிராக உள்ளது.
இந்நிலையில், காங்கிரஸ் ஆளும் மாநிலங்களிலும் குடியுரிமை திருத்தச் சட்டத்துக்கு எதிராக தீர்மானம் நிறைவேற்றப்படலாம் என்று தகவல் வெளியாகியுள்ளது. அதில் உள்ள சட்டச்சிக்கல் குறித்து தற்போது ஆலோசிக்கப்பட்டுவருகிறது. அதன்படி மாநில அரசே குடியுரிமை திருத்தச் சட்டத்துக்கு எதிராக தீர்மானத்தை முன்மொழியாமல், உறுப்பினர் ஒருவர் முன்மொழிவது குறித்தும் ஆலோசிக்கப்பட்டது.
காங்கிரஸ் தனது கட்சியைச் சேர்ந்த மாநில முதலமைச்சர்களிடமும் கூட்டணிக் கட்சியினரிடமும் குடியுரிமை திருத்தச் சட்டத்துக்கு எதிராகத் தீர்மானம் நிறைவேற்ற அறிவுறுத்தியுள்ளது.
இது குறித்து ஆலோசிக்க, காங்கிரஸ் தலைமையில் ஒத்த கருத்துள்ள எதிர்க்கட்சிகள் பங்கேற்ற ஆலோசனைக் கூட்டம் டெல்லி நாடாளுமன்ற வளாகத்தில் நடைபெற்றிருந்தது குறிப்பிடத்தக்கது.
இதையும் படிங்க: சக்கர நாற்காலியை கேட்ட பயணியை மிரட்டிய விமானிக்கு கட்டாய விடுப்பு!
