17ஆவது மக்களவைத் தேர்தலுக்கான வாக்குப்பதிவு ஏழு கட்டங்களாக கடந்த ஏப்ரல் 11ஆம் தேதி முதல் மே 19ஆம் தேதி வரை விறுவிறுப்பாக நடந்து முடிந்தது. இதில் பதிவான வாக்குகள் இன்று எண்ணப்பட்டு வருகிறது. இதில் பாஜக தலைமையிலான தேசிய ஜனநாயக கூட்டணி 294 தொகுதிகளில் முன்னிலையிலும், 47 இடங்களில் வெற்றியையும் பெற்றுள்ளது.
இந்நிலையில், இது தொடர்பாக தனது ட்விட்டர் பக்கத்தில் பதிவு செய்த இஸ்ரேல் பிரதமர் பெஞ்சமின் நெதன்யாகு, "மீண்டும் பிரதமராகும் நரேந்திர மோடிக்கு வாழ்த்துகள். இஸ்ரேல் - இந்தியா இடையிலான நட்புறவை மேம்படுத்த உங்களுடன் தொடர்ந்து பணியாற்ற காத்திருக்கிறேன்" என குறிப்பிட்டுள்ளார்.
