மணிப்பூர் மாநிலம், கேக்ரு நாகா கிராமத்தில் கிளர்ச்சியாளர்களின் முகாம் ஒன்று செயல்படுவதாக கிராம மக்கள் பாதுகாப்பு படையினருக்கு தகவல் கொடுத்தனர். தகவலின் பேரில் கிராமத்திற்கு சென்ற பாதுகாப்பு படையினர், அங்கு சோதனை செய்த போது, அந்த முகாம் தேசிய சோசலிச கவுன்சில் ஆப் நாகலாந்து என்ற கிளர்ச்சி குழுவினருக்கு சொந்தமானது என்று தெரியவந்தது.
அந்த முகாமை அழித்த பாதுகாப்பு படையினர், அங்கிருந்த எம்16வகை துப்பாக்கிகள், ஏ.கே 47 துப்பாக்கி, தோட்டாக்கள், காலணிகள், உடைகள், டிரான்ஸ்மீட்டர் உள்ளிட்டவற்றை பறிமுதல் செய்தனர்.
