மருத்துவர் சூதாகர் வழக்கில் விசாகப்பட்டினம் காவல் துறையினர் எடுத்த நடவடிக்கைகள் குறித்து விசாரணை செய்ய, மத்திய புலனாய்வுப் பிரிவை நியமித்து ஆந்திர உயர் நீதிமன்றம் உத்தரவிட்டுள்ளது. மேலும் எட்டு வாரங்களுக்குள் வழக்கின் அறிக்கையை தாக்கல் செய்ய உயர் நீதிமன்றம் உத்தரவிட்டுள்ளது.
கோவிட்-19 நோயாளிகளுடன் போராடிவரும் மருத்துவர்கள், நோய் பாதிக்கப்பட்டோர் ஆகியோரின் பாதுகாப்புக்காக என்-95 ரக முகக் கவசம் வேண்டும் என்று மருத்துவர் சூதாகர் கேட்ட இந்தச் செய்தி சமூக வலைதளங்களில் அதிகமாகப் பரவியதைத் தொடர்ந்து, ஏப்ரல் 8ஆம் தேதி மருத்துவமனை நிர்வாகம் அவரை பணியிடைநீக்கம் செய்தது.
N-95 முகக்கவசம் கேட்டதற்காக மனநல மருத்துவமனையில் அனுமதிக்கப்பட்ட அரசு மருத்துவர்!
இதனைக் கண்டித்து மருத்துவர் சுதாகர் மே 16ஆம் தேதி போர்ட் மருத்துவமனை முன்பு மேல்சட்டை அணியாமல் அரை நிர்வாண போராட்டம் நடத்தியுள்ளார்.
இந்தப் போராட்டத்தையடுத்து பொதுமக்களில் சிலர் காவல் நிலையத்தில் புகார் அளிக்க, காவல் துறையினர் அவரை கயிற்றினால் கட்டி அடித்து அழைத்துச் சென்றனர். இந்த விவகாரம் குறித்து சர்ச்சை எழவே, இவ்விசாரணையை மேற்கொள்ள சிபிஐ-க்கு ஆந்திர உயர் நீதிமன்றம் உத்தரவிட்டுள்ளது.
