ஒன்பதாம் வகுப்பு படித்து வரும் பழங்குடி இனத்தைச் சேர்ந்த மாணவியைக் கடத்தி நான்கு பேர் கூட்டுப் பாலியல் வன்புணர்வு செய்துள்ளனர். இந்த வழக்கில் புதுக்குறிச்சி கடினாம்குளத்தைச் சேர்ந்த 20 வயதுடைய நிரஞ்சன் என்பவர் கைது செய்யப்பட்டுள்ளார். இந்த மாணவியைக் காணவில்லை என அக்டோபர் 30ஆம் தேதி மாலையே விடுதி கண்காணிப்பாளர் காவல் நிலையத்தில் புகார் அளித்திருந்தார்.
இது குறித்த விசாரணையில், விடுதிக்குச் செல்ல மாணவி தன் நண்பரின் இரு சக்கர வாகனத்தில் புறப்பட்டுள்ளார். இதனிடையில் வழியில் மாணவியின் நண்பர், இன்னொருவரையும் இருசக்கர வாகனத்தில் ஏற்றியுள்ளார். இதற்கு நண்பருடன் தகராற்றில் ஈட்டுப்பட்டுள்ளார் மாணவி, எனினும் மாணவியை வற்புறுத்தி, விடுதியில் இறக்கி விடுவதற்குப் பதில், வர்கலா எனும் இடத்திலுள்ள ஆளில்ல வீட்டிற்குக் கொண்டு சென்றுள்ளனர்.
சின்னதிரை நீலாம்பரி ‘நீலிமா ராணி’யின் லேட்டஸ்ட் புகைப்படங்கள்!
மேலும், இருவர் அங்கு வந்து அவர்களுடன் இணைந்துள்ளனர். இதனைத் தொடர்ந்து நான்கு பேரும் சேர்ந்து மாணவியைக் கூட்டுப் பாலியல் வன்புணர்வு செய்துள்ளனர். மூன்று நாள் கழித்து இன்று காலை கழக்கூட்டம் எனும் பகுதியில் காலை 5 மணிக்கு மாணவியை இறக்கிவிட்டுச் சென்றுள்ளனர். இதனைக் கவனித்த காவல் துறையினர், அப்பெண் தொலைந்து போன பள்ளி மாணவி என உறுதிசெய்தனர்.
இதனைத் தொடர்ந்து மாணவியிடம் விசாரணை மேற்கொள்ளப்பட்டு போக்ஸோ சட்டத்தின் கீழ் வழக்குப்பதிவு செய்யப்பட்டு நிரஞ்சன் என்பவர் மட்டும் கைது செய்யப்பட்டுள்ளார். தலைமறைவாகியுள்ள மூன்று பேரைக் காவல் துறையினர் வலைவீசித் தேடி வருகின்றனர்.
