மக்களவைத் தேர்தல்: 4ஆம் கட்ட வாக்குப்பதிவு தொடங்கியது

மக்களவைத் தேர்தலுக்கான 4ஆம் கட்ட வாக்குப்பதிவு இன்று காலை 7 மணிக்குத் தொடங்கியது.

நாடு முழுவதும் ஏழு கட்டங்களாக மக்களவைத் தேர்தல் நடைபெற்றுவருகிறது. ஏற்கனவே, மூன்று கட்ட வாக்குப்பதிவு முடிவடைந்துவிட்ட நிலையில் இன்று நான்காம் கட்ட வாக்குப்பதிவு நடைபெறுகிறது.

பிகார், ஜம்மு காஷ்மீர், ஜார்க்கண்ட், மத்தியப் பிரதேசம், மகாராஷ்டிரா, ஒடிசா, ராஜஸ்தான், உத்தரப் பிரதேசம், மேற்கு வங்காளம் ஆகிய ஒன்பது மாநிலங்களில் உள்ள 72 தொகுதிகளில் நடைபெறும் இத்தேர்தலில் 945 வேட்பாளர்கள் போட்டியிடுகின்றனர். 12 கோடியே 79 லட்சம் வாக்காளர்கள் வாக்களிக்கின்றனர்.