ஹைதராபாத்: ராமோஜி குழும நிறுவனங்களில் நிர்வாக இயக்குநராகப் பணியாற்றிய அட்லூரி ராம்மோகன் ராவ்(87), உடல்நலக் குறைவு காரணமாக ஹைதராபாத்தில் உள்ள தனியார் மருத்துவமனையில் அனுமதிக்கப்பட்டிருந்த நிலையில் நேற்று(அக்.22) சிகிச்சைப் பலனின்றி உயிரிழந்தார். அவரது உடல் ஜுப்ளி ஹில்ஸில் உள்ள அவரது இல்லத்திற்கு கொண்டு செல்லப்பட்டது.
அங்கு ராம்மோகன் ராவின் உடலுக்கு ராமோஜி குழும நிறுவனங்களின் தலைவர் ராமோஜி ராவ் அஞ்சலி செலுத்தினார். தெலுங்கு தேசம் கட்சித் தலைவர் சந்திரபாபு நாயுடுவும் நேரில் சென்று அஞ்சலி செலுத்தினார்.
பாரத் பயோடெக் தலைமை இயக்குநர் கிருஷ்ணா எல்லா, அதன் இணை இயக்குநர் சுசித்ரா எல்லா, முன்னாள் மத்திய அமைச்சர் சுஜனா சவுத்ரி, எம்எல்ஏ மஞ்சிரெட்டி கிஷண் ரெட்டி, தயாரிப்பாளர்கள் சதலவாடா சீனிவாச ராவ், பிரசன்ன குமார் உள்ளிட்ட முக்கியப்பிரமுகர்கள் ராம் மோகன ராவ் உடலுக்கு அஞ்சலி செலுத்தினர். ராமோஜி ராவின் குடும்பத்தினர் மற்றும் ராமோஜி குழும நிறுவனங்களின் மூத்த ஊழியர்களும், ராம்மோகன் ராவின் உடலுக்கு அஞ்சலி செலுத்தினர்.
