தெலங்கானா மாநிலம் ஹைதராபாத் ராஜீவ் காந்தி சர்வதேச விமான நிலையத்திற்கு சார்ஜாவிலிருந்து G9-458 விமானம் வந்தது.
அதில், வந்த பயணிகளை சுங்கத் துறை அலுவலர்கள் சோதனை செய்தனர். அப்போது, இரண்டு பயணிகளின் லக்கேஜ்களை சோதனை செய்ததில், ஐபோன்கள் கடத்தி வரப்பட்டது தெரியவந்தது.
சுமார் 1 கோடி ரூபாய் மதிப்பிலான 80 ஐபோன்களை பறிமுதல் செய்த சுங்கத்துறையினர், இருவரையும் கைது செய்தனர்.
வரி செலுத்தாமல் ஐபோன்கள் சட்டவிரோதமாக நாட்டிற்குள் கொண்டு வரப்பட்டுள்ளதாக சுங்கத்துறை அலுவலர்கள் தெரிவித்தனர்.
பறிமுதல் செய்யப்பட்டதில் பெரும்பாலான ஐபோன், 12 ப்ரோ, 12 ப்ரோ மேக்ஸ் மாடல்கள் என்பது குறிப்பிடத்தக்கது.
இதையும் படிங்க: ஜியோபோன் நெக்ஸ்ட் 4ஜி: மலிவான விலையில் அசரடிக்கும் அம்சங்கள்!
