டெல்லியில் நாளுக்கு நாள் கரோனா பரவல் அதிகரித்துக்கொண்டே வருகிறது. இந்நிலையில், கரோனா பரவலைக் கட்டுப்படுத்தும்விதமாக அரசு பல்வேறு நடவடிக்கைகளை எடுத்துவருகிறது. கரோனா பாதிக்கப்பட்ட நோயாளிகளுக்குப் பயன்படுத்தப்படும் மருத்துவ ஆக்சிஜன் அதிகமாகத் தேவைப்படும் சூழல் நிலவுகிறது.
இந்நிலையில், டெல்லி ஜெய்பூர் கோல்டன் மருத்துவமனையில் நேற்று (ஏப்ரல் 23) ஆக்சிஜன் பற்றாக்குறையால் 21 பேர் உயிரிழந்துள்ளனர். இதையடுத்து, 200-க்கும் மேற்பட்ட நோயாளிகளுக்கு ஆக்சிஜன் கிடைக்காமல் உயிருக்குப் போரடிவருகின்றனர்.
இது குறித்து, மருத்துவர் டி.கே. பலூஜா கூறுகையில், "மருத்துவமனையில் ஆக்சிஜன் பற்றாக்குறையால் மக்கள் பாதிக்கப்பட்டுவருகின்றனர். மேலும், அரை மணி நேரத்துக்கு மட்டும்தான் ஆக்சிஜன் இருக்கிறது.
இதனால், மத்திய, மாநில அரசுகள் ஏதாவது செய்து உடனடியாக ஆக்சிஜனுக்கு வழிவகை செய்ய வேண்டும்’’ எனத் தெரிவித்தார்.
இதையும் படிங்க: அடையாளம்தான் துறப்போம் எல்லா தேசத்திலும் போய் வசிப்போம்
