சென்னை: சென்னை ஓட்டேரி ஸ்ட்ரான்ஸ் சாலையில் டாஸ்மாக் கடை (எண் 249) இயங்கி வருகிறது. இந்தக் கடையில் நேற்று முன்தினம் கடை மேற்பார்வையாளர் சரவணன் என்பவர் மது பாட்டில்களை விற்பனை செய்து கொண்டிருந்தார்.
அப்போது அங்கு வந்த மதுபிரியர் ஒருவரிடம், குவாட்டருக்கு கூடுதலாக 10 ரூபாய் அதிகமாக கேட்டுள்ளதாகத் தெரிகிறது. இதனால் ஆத்திரமடைந்த மதுபிரியர் "ஏன் 10 ரூபாய் அதிகம் கேட்கிறீர்கள்?" என வாக்குவாதத்தில் ஈடுபட்டதுடன், கடையில் இருந்த ஸ்வைப்பிங் மெஷினை அலேக்காக தூக்கிக் கொண்டு ஓடிவிட்டார் போல் தெரிகிறது.
இதை கவனிக்காத கடை மேலாளர் வேறு ஒரு வாடிக்கையாளரிடம் பணம் வசூலிப்பதற்காக ஸ்வைப்பிங் மிஷினை தேடிய போது, அது திருடு போனது தெரியவந்துள்ளது. இதனையடுத்து, மேற்பார்வையாளர் சரவணன் கொடுத்த புகாரின் அடிப்படையில் ஓட்டேரி போலீசார் விசாரணை மேற்கொண்டு வருகின்றனர்.
