தாம்பரத்தில் மது போதையில் காரை இயக்கிய காவலர் பணியிடை மாற்றம்!

சென்னை: சென்னையைச் சேர்ந்த விக்னேஷ் என்பவர், நேற்று முன்தினம் தாம்பரம் மண்ணிவாக்கம் சாலையின் இருசக்கர வாகனத்தில் சென்றுள்ளார். அப்பொழுது, கருப்பு நிற கார் ஒன்று அவரது இருசக்கர வாகனத்தை இடிப்பது போல் தாறுமாறாக சென்றுள்ளது.

இதனைத் தொடர்ந்து, அந்த காரை மடக்கி பிடித்து போது, மது போதையில் ஸ்ரீராமதுரை என்ற போலீசார் காரை இயக்கியது தெரிய வந்துள்ளது. இது தொடர்பான வீடியோ வெளியாகி பரபரப்பை ஏற்படுத்திய நிலையில், தாம்பரம் போலீசார் இது தொடர்பாக விசாரணை நடத்தினர்.