தேனி: தேனி மாவட்டம், பெரியகுளம் மற்றும் அதனைச் சுற்றியுள்ள பகுதிகளில் நேற்று மாலை மற்றும் இரவு நேரத்தில் கன மழை பெய்தது. இதனால் பெரியகுளம் அருகே உள்ள தேவதானப்பட்டி பேரூராட்சிக்கு உட்பட்ட பள்ளிவாசல் தெருவில் வசித்து வந்த ஆயிஷா பீவி (75) என்பவரது தகர வீட்டின் வடக்கு பக்கச் சுவர் இடிந்து அவர் மீது விழுந்தது.
இதில் படுகாயமடைந்த மூதாட்டி சம்பவ இடத்திலேயே உயிரிழந்தார். இந்தச் சம்பவம் குறித்து தகவல் அறிந்து வந்த பெரியகுளம் போலீசார் மற்றும் தீயணைப்புத் துறையினர் இடிபாடுகளில் சிக்கி உயிரிழந்த மூதாட்டியின் உடலை மீட்டனர். தொடர்ந்து, அவரது உடலை பிரேதப் பரிசோதனைக்காக அனுப்பி வைத்து, இந்தச் சம்பவம் தொடர்பாக விசாரணை மேற்கொண்டு வருகின்றனர்.
