சென்னை: சென்னை எழும்பூரிலிருந்து வேளாங்கண்ணி வரை செல்லக்கூடிய வாராந்திர சிறப்பு ரயில் இயக்கப்படும் என சமீபத்தில் தெற்கு ரயில்வே அறிவித்திருந்தது. அதன்படி, சென்னை எழும்பூர் ரயில் நிலையத்திலிருந்து வேளாங்கண்ணி ரயில் நிலையம் வரை செல்லும் 06037 என்ற எண்கொண்ட வாராந்திர சிறப்பு ரயில் மே மாதம் 24, 26 ஆகிய தேதிகளிலும் மற்றும் ஜூன் மாதம் 2, 7, 9, 14, 16 ஆகிய தேதிகளிலும் சென்னையிலிருந்து இரவு 11.50 மணிக்குப் புறப்பட்டு, மறுநாள் காலை 8.30 மணிக்கு வேளாங்கண்ணி சென்றடையும் என்று தெரிவிக்கப்பட்டிருந்தது.
அதேபோல மறுவழித்தடத்தில், 06038 என்ற எண்கொண்ட, வேளாங்கண்ணி ரயில் நிலையத்திலிருந்து சென்னை எழும்பூர் ரயில் நிலையம் வரை செல்லும் வாராந்திர சிறப்பு ரயில் மே மாதம் 25, 27 ஆகிய தேதிகளிலும் மற்றும் ஜூன் மாதம் 3, 8, 10, 15, 17 ஆகிய தேதிகளிலும் வேளாங்கண்ணியிலிருந்து பிற்பகல் 2.45 மணிக்குப் புறப்பட்டு, அன்று இரவு 11.30 மணிக்கு சென்னை சென்றடையும் என தெரிவிக்கப்பட்டிருந்தது.
இந்த நிலையில், வருகின்ற 24ஆம் தேதியன்று, வேளாங்கண்ணி ரயில் நிலையத்திலிருந்து சென்னை எழும்பூர் ரயில் நிலையம் வரை செல்லும் வாராந்திர சிறப்பு ரயிலின் (06038) நேரம் மாற்றியமைக்கப்பட்டுள்ளது என்று தெற்கு ரயில்வே தெரிவித்துள்ளது.
அதன் அடிப்படையில், வேளாங்கண்ணி ரயில் நிலையத்திலிருந்து சென்னை எழும்பூர் ரயில் நிலையம் வரை செல்லும் வாராந்திர சிறப்பு ரயில் மே மாதம் 25, 27 ஆகிய தேதிகளிலும் மற்றும் ஜூன் மாதம் 3, 8, 10, 15, 17 ஆகிய தேதிகளிலும் வேளாங்கண்ணியிலிருந்து பிற்பகல் 2.45 மணிக்குப் புறப்படுவதற்குப் பதிலாக மாலை 6.10 மணிக்குப் புறப்பட்டு, அன்று இரவு 11.30 மணிக்கு சென்னை சென்றடைவதற்குப் பதிலாக மறுநாள் அதிகாலை 3.20 மணிக்கு சென்னை எழும்பூர் சென்றடையும் என அறிவிக்கப்பட்டுள்ளது.
மேலும் வேளாங்கண்ணி ரயில் நிலையத்திலிருந்து மாலை 6.10 மணிக்குப் புறப்படும் இந்த ரயில், நாகப்பட்டினம், திருவாரூர், பேரளம், மயிலாடுதுறை, வைத்தீஸ்வரன் கோவில், சீர்காழி, சிதம்பரம், கடலூர் துறைமுகம், திருப்பாதிரிபுலியூர், பண்ருட்டி, விழுப்புரம், மேல்மருவத்தூர், செங்கல்பட்டு, தாம்பரம் வழியாக அதிகாலை 3.20 மணிக்கு சென்னை எழும்பூர் சென்றடையும் என்றும் தெற்கு ரயில்வே தெரிவித்துள்ளது.
இதையும் படிங்க: மகனின் காதணி விழாவில், காங்கேயம் மாடுகளை பாதுகாக்க கண்காட்சி நடத்திய ஐடி உழியர்!
