"தமிழ்நாடு பாஜக ஒரு பூஜ்ஜியம் என்பது நிரூபணமாகியுள்ளது" - எஸ்.வி.சேகர் சாடல்! - S Ve Shekher

S.V.Shekhar Has Criticized Annamalai: தமிழ்நாடு பாஜக, அண்ணாமலை தலைமையில் ஒரு பூஜ்ஜியம்தான் என்பது நிரூபணமாகியுள்ளது. தமிழக பாஜக என்று அதிமுகவின் கூட்டணியை முறித்துக் கொண்ட அன்றே தமிழக பாஜகவின் எதிர்காலம் முடிந்துவிட்டது என்று எஸ்.வி.சேகர் தெரிவித்துள்ளார்.

வேலூர்: முன்னாள் மத்திய அமைச்சர் மு.க.அழகிரியின் மகன் துரை தயாநிதி உடல்நலக் குறைவு காரணமாக வேலூரில் உள்ள சி.எம்.சி தனியார் மருத்துவமனையில் கடந்த மார்ச் 14 முதல் அனுமதிக்கப்பட்டு சிகிச்சை பெற்று வருகிறார். அவரை இன்று (ஜூன் 5) திரைப்பட நடிகரும், முன்னாள் சட்டமன்ற உறுப்பினருமான எஸ்.வி.சேகர் நேரில் சந்தித்து நலம் விசாரித்தார்.

இதன் பின்னர், எஸ்.வி.சேகர் செய்தியாளர்களைச் சந்தித்தார். அப்போது பேசிய அவர், "என்னுடைய நண்பர் முன்னாள் மத்திய அமைச்சர் அழகிரியின் மகன் துரை தயாநிதியைச் சந்தித்து நலம் விசாரித்தேன். நல்ல முறையில் அவருக்கு சிகிச்சை அளித்துள்ளனர். கடவுள் அருளால் அவர் மீண்டு நல்ல முறையில் வருவார்" என்று தெரிவித்தார்.

அதன் தொடர்ச்சியாக பேசிய அவர், "தமிழ்நாடு பாஜக அண்ணாமலை தலைமையில் ஒரு பூஜ்ஜியம்தான் என்பது நிரூபணமாகியுள்ளது. ஒரு பந்தயத்தில் ஓடுகின்ற ஆறு குதிரைகளில் எந்த குதிரை வெற்றி பெறும், எந்த குதிரை நொண்டியடிக்கும் என்று நமக்கு நன்றாகத் தெரியும். அதேபோல, தமிழ்நாடு பாஜக என்ற குதிரை ஏற்கனவே கவிழ்ந்துவிட்டது.