சென்னை: 11ஆம் வகுப்பு மாணவர்களுக்கான பொதுத்தேர்வு மார்ச் 4ஆம் தேதி தொடங்கிய நிலையில், 25ஆம் தேதி வரையில் நடைபெறுகிறது. அதில் இன்று ஆங்கிலம் பாடத்திற்கான தேர்வு நடைபெற்றது. இந்த தேர்வினை பள்ளிகளில் படித்த 8 லட்சத்து 20 ஆயிரத்து 242 மாணவர்களும், தனித்தேர்வர்களாக 4 ஆயிரத்து 945 மாணவர்களும் எழுத அனுமதிக்கப்பட்டனர்.
அதில், பள்ளி மாணவர்கள் 9 ஆயிரத்து 93 பேரும், தனித்தேர்வர்கள் 533 மாணவர்கள் என 9 ஆயிரத்து 626 மாணவர்கள் தேர்வு எழுத வரவில்லை. மேலும், தேர்வு எழுதிய மாணவர்களில் ராமநாதபுரம் மாவட்டத்தில் ஒரு மாணவர் முறைகேட்டில் ஈடுபட்டதாக கண்டறியப்பட்டுள்ளனர் என அரசுத் தேர்வுத்துறை அறிவித்துள்ளது.
இதையும் படிங்க: இரு பல்கலைக்கழகங்களின் துணைவேந்தர்களின் பதவிக்காலம் மேலும் ஓராண்டுக்கு நீட்டிப்பு!
