சென்னை: தமிழ்நாடு சட்டப்பேரவையில் உழவர் நலத்துறை மற்றும் வேளாண்மைத்துறை அமைச்சர் எம்.ஆர்.கே. பன்னீர்செல்வம் வேளாண் பட்ஜெட்டில் "பண்ணை மகளிர் சுய உதவிக் குழுக்கள்" என்ற திட்டத்தை அறிவித்துள்ளார்.
இந்த பண்ணை மகளிர் சுய உதவிக் குழுக்கள் என்ற திட்டத்தின் முழு விவரங்களை இத்தொகுப்பில் பார்க்கலாம். பெண்களின் பங்கு வேளாண்மையிலும் இருக்க வேண்டும் என்பதைக் கருத்தில் கொண்டு, விதை உற்பத்தி செய்திடப் பண்ணை மகளிர் சுய உதவிக் குழுக்கள் அமைக்கப்பட உள்ளது.
இத்திட்டத்தின், மூலம் தோட்டக்கலையின் ஒருங்கிணைப்பில், ஆர்வமுள்ள மற்றும் பயிற்சி பெற்ற சுய உதவிக்குழுக்களைக் கொண்டு 60 தென்னை நாற்றுப்பண்ணைகள் அமைக்கப்பட உள்ளன. 2 கோடியே 40 இலட்சம் ரூபாய் மதிப்பீட்டில் அமையவுள்ள தென்னை நாற்றுப்பண்ணைகளில் தயாரிக்கப்படும் தென்னங்கன்றுகளை, அரசு தோட்டக்கலைத் துறையினால் கொள்முதல் செய்யப்படும் என்றும் தெரிவிக்கப்பட்டுள்ளது.
மேலும், பயறு வகைகள் மற்றும் எண்ணெய் வித்துக்கள் அடங்கிய 100 விதை உற்பத்தி தொகுப்புகள் அமைப்பதற்கு ரூபாய் 2 கோடி நிதி ஒதுக்கப்பட்டுள்ளது. விதை உற்பத்தி தொகுப்புகள் அமைப்பதற்குப் பண்ணை மகளிர் சுய உதவிக் குழுக்களுக்குத் தேவையான பயிற்சியும், ஆதார விதைகளும் வேளாண்மைத்துறை வழங்கும். பண்ணை மகளிர் சுய உதவிக் குழுக்கள் உற்பத்தி செய்த விதைகளை, உற்பத்தி மானியத்துடன் வேளாண்மைத்துறையே கொள்முதல் செய்து கொள்ளும்.
இத்திட்டத்தின் மூலம் வேளாண்மைத்துறை கொள்முதல் செய்த தென்னங்கன்றுகள் மற்றும் விதைகளை அரசுத்திட்டங்களின் கீழ் விவசாயிகளுக்கு விநியோகிக்கப்படும் எனவும் தெரிவிக்கப்பட்டுள்ளது.
- " class="align-text-top noRightClick twitterSection" data="">
இதையும் படிங்க: தமிழ்நாடு வேளாண் பட்ஜெட் 2024: கவனத்தை ஈர்த்த முக்கிய அறிவிப்புகள்!
