கடலூர்: கடலூர் மக்களவைத் தொகுதி பாமக வேட்பாளர் தங்கர் பச்சான் இன்று செய்தியாளர்களைச் சந்தித்தார். அப்போது பேசிய அவர், "தேர்தல் பிரச்சாரத்திற்கு மக்களைச் சந்திக்க 22 நாட்கள் மட்டுமே கிடைத்தது. முழு காய்ச்சலுடன் மக்களைச் சந்தித்தேன். கடலூர் மாவட்டத்தின் தீராத பிரச்னைகளைத் தீர்க்கவே தேர்தல் களம் கண்டு இரண்டு லட்சம் வாக்குகள் பெற்றேன்.
தங்கர் பச்சான் பேட்டி (Credits - ETV Bharat Tamil Nadu)
என்னை நம்பி வாக்களித்த மக்களுக்கு நன்றி. அதிகாரம் இருந்ததால் தான் மக்களுக்கு நன்மை செய்ய முடியும். இத்துடன் என் அரசியல் களம் நிற்காது. கடந்த முறை 38 பேரால் நாட்டுக்கு கிடைத்தது என்ன? உங்கள் தொகுதியின் எம்.பி என்ன செய்தார்? மீண்டும் அவர்களே வந்தால் என்ன செய்வார்கள்? உங்களுக்கு அரசியல் விடுதலை எப்படி கிடைக்கும்?
