மதுரை: திருநெல்வேலியைச் சேர்ந்த மகாராஜா தனக்கு ஜாமீன் வழங்கக் கோரி உயர் நீதிமன்ற மதுரைக் கிளையில் மனுத்தாக்கல் செய்திருந்தார். அதில், "கடந்த ஜூலை 3ஆம் தேதி திருநெல்வேலி போலீசார் என் மீது வழக்குப்பதிவு செய்துள்ளனர். மேலும், Grindr Gay app என்ற பாலியல் செயலியைப் பயன்படுத்தி கொலை மிரட்டல் விடுத்ததாகவும், பணம் பறித்ததாகவும் வழக்குப்பதிவு செய்து சிறையில் அடைத்துள்ளனர். ஆதலால் எனக்கு ஜாமீன் வழங்க வேண்டும். நீதிமன்றம் விதிக்கும் நிபந்தனைகளுக்கு கட்டுப்படுவதாக" கூறியிருந்தார்.
இந்த வழக்கு நீதிபதி பரதசக்கரவர்த்தி முன்பு இன்று விசாரணைக்கு வந்தது. அப்போது, அரசுத் தரப்பில் கூடுதல் குற்றவியல் வழக்கறிஞர் அன்பு ஆஜராகி, “மனுதாரர் மொபைலில் (Grindr Gay app) ஹோமோ செக்ஸ் செயலியைப் பயன்படுத்தி குற்றச் செயல்களில் ஈடுபட்டு உள்ளார். 4 பிரிவின் கீழ் வழக்குப்பதிவு செய்யப்பட்டுள்ளது. விசாரணை நடைபெற்று வருகிறது. ஜாமீன் வழங்கக் கூடாது” என எதிர்ப்பு தெரிவித்தார்.
பின்னர் நீதிபதி, மனுதாரர் Grindr Gay app என்ற மொபைல் செயலி மூலம் ஹோமோ செக்ஸ் பிரியர்களை தொடர்பு கொண்டு, இதில் இணைய வைத்து அதன் மூலம் பாதிக்கப்பட்ட நபரிடம் இருந்து கிரெடிட் கார்டு, மொபைல், ஒரு லட்சம் பணம் போன்றவற்றை பறிமுதல் செய்துள்ளதாக வழக்குப்பதிவு செய்யப்பட்டுள்ளது.
இந்த வழக்கைப் பொறுத்தவரை மனுதாரர் தரப்பு வழக்கறிஞர், மனுதாரர் இனி இது போன்ற செயல்களில் ஈடுபட மாட்டார் என்றும், மொபைல் ஆப் உள்ள செயலியை காவல்துறையிடம் தாங்களாகவே முன்வந்து ஒப்படைத்து விடுகிறோம் என உத்தரவாதம் வழங்கியதால் மனுதாரருக்கு நிபந்தனைகளுடன் கூடிய ஜாமீன் வழங்கப்படுகிறது.
அதே நேரத்தில், போலீசார் இந்த மொபைல் செயலி மூலம் சட்டவிரோத செயல்கள் நடைபெற்று வருவது குறித்து, மத்திய மின்னணு தகவல் தொழில்நுட்ப அமைச்சகத்திற்கு அறிக்கை வழங்க வேண்டும். அதன் அடிப்படையில், மத்திய தகவல் தொழில்நுட்ப அமைச்சகம் மொபைல் செயலியை தடை செய்வது குறித்து உரிய நடவடிக்கை எடுக்க வேண்டும்" என உத்தரவிட்டு வழக்கை முடித்து வைத்தார்.
ஈடிவி பாரத் தமிழ் வாட்ஸ்ஆப் சேனலில் இணைய இங்கே க்ளிக் செய்யவும்
இதையும் படிங்க : முத்தமிழ் முருகன் மாநாடு முதல் திமுக - பாஜக சர்ச்சை வரை.. எல்.முருகனுக்கு அப்பாவு, கீதா ஜீவன் பதில்! - Speaker Appavu
