நடிகர் பிரசாந்திற்கு ரூ.2,000 ரூபாய் அபராதம்! சென்னை போக்குவரத்து காவல்துறை அதிரடி! - ACTOR PRASANTH BIKE RIDE ISSUE

ACTOR PRASANTH BIKE RIDE ISSUE: சமீபத்தில் நடிகர் பிராசாந்த் தலைக்கவசம் அணியாமல் இருசக்கர வாகனத்தை இயக்கியபடி நேர்கானல் ஒன்றில் பங்கேற்றிருந்த அந்த வீடியோ காட்சி இணையத்தில் வைரலான நிலையில், தற்போது சென்னை போக்குவரத்து காவல்துறை பிராசாந்த்திற்கு 2,000 ரூபாய் அபராதம் விதித்துள்ளது.

நடிகர் பிரசாந்த் (Credits - Prasanth FB Page)

Published : Aug 1, 2024, 6:59 PM IST

சென்னை: பிரபல தனியார் யூடியூப் சேனல் ஒன்றுக்கு நடிகர் பிரசாந்த் நேர்காணல் கொடுத்திருந்தார். அந்த நேர்காணலில் நடிகர் பிரசாந்த் இருசக்கர வாகனத்தை ஓட்டிக்கொண்டும், அவருக்கு பின்னால் தனியார் யூடியூப் சேனல் தொகுப்பாளினி அமர்ந்து கொண்டும் நேர்காணலை கொடுத்திருந்தார்.

சாலை முழுவதும் நடிகர் பிரசாந்த் மற்றும் தனியார் யூடியூப் தொகுப்பாளினி ஆகியோர் தலைகவசம் அணியாமல் வாகனத்தை இயக்கிக் கொண்டே நேர்காணல் எடுக்கப்பட்டிருக்கும். புல்லட்டில் நடிகர் பிரசாந்த் ஹெல்மெட் அணியாமல் தொகுப்பாளினியுடன் சென்ற வீடியோ சமூக வலைத்தளங்களில் வைரலானாது.

இதனைத் தொடர்ந்து, நடிகர் பிரசாந்த் மற்றும் தொகுப்பாளினி இருவரும் ஹெல்மெட் அணியாமல் சென்றதாக 2,000 ரூபாய் அபராதம் விதித்து சென்னை போக்குவரத்து காவல்துறை நடவடிக்கை எடுத்துள்ளது. சமூக வலைத்தளங்களில் பிரசாந்த் ஹெல்மெட் போடாமல் இருசக்கர வாகனத்தை இயக்கியதாக பல்வேறு விமர்சனங்கள் கிளம்பிய நிலையில், சென்னை போக்குவரத்து காவல்துறை அபராதம் விதித்துள்ளது குறிப்பிடத்தக்கது.

பிரசாந்த்திற்கு அபராதம் விதித்தது தொடர்பாக சென்னை பெருநகர போக்குவரத்து காவல்துறை தனது அதிகாரப்பூர்வ X தளத்திலும் பதிவிட்டுள்ளது. அதில், before என்று பதிவிட்டு நடிகர் பிரசாந்த் மற்றும் தொகுப்பாளினி தலைகவசம் அணியாத படமும், After என்று போடப்பட்டு 2,000 ரூபாய் அபராதம் விதிக்கப்பட்டுள்ளதும் பதிவிடப்பட்டுள்ளது. மேலும், அதில் Follow traffic rules, your safety is our priority என குறிப்பிடப்பட்டுள்ளது