வாஷிங்டன்: அமெரிக்காவில் அண்மையில் அதிபர் தேர்தல் நடைபெற்றது. இதில் முன்னாள் அதிபர் டொனால்ட் டிரம்ப் பெருவாரியான இடங்களில் வெற்றி பெற்று மீண்டும் ஆட்சியை கைப்பற்றினார். அடுத்த ஆண்டு முறைப்படி அமெரிக்க அதிபராக டொனால்ட் டிரம்ப் பதவியேற்க உள்ளார்.
அமைதியான முறையில் ஆட்சி மாற்றத்தை மேற்கொள்ளும் பணியில் தற்போது உள்ள ஜோ பைடன் அரசு மும்முரம் காட்டி வருகிறது. இதனிடையே ஒவ்வொரு துறைக்கும் பொறுப்பாளர்களை டொனால்டு டிரம்ப் நியமித்து வருகிறார். அந்த வகையில் அமெரிக்க கல்வி அமைச்சராக பிரபல WWE மல்யுத்த விளையாட்டின் முன்னாள் தலைமை செயல் அதிகாரி லிண்டா மெக்மஹோனை பரிந்துரைத்துள்ளார்.
டொனால்ட் டிரம்பின் நீண்ட கால நண்பராக லிண்டா மெக்மஹோன் அறியப்படுகிறார். பிரபல மல்யுத்த விளையாட்டான WWE-ல் தலைமை செயல் அதிகாரியாக பணியாற்றி வந்த லிண்டா மெக்மஹோன் கடந்த 2009ஆம் ஆண்டு அதில் இருந்து வெளியேறி சொந்தமாக தொழில் செய்யத் தொடங்கினார்.
டொனால்ட் டிரம்பின் முந்தைய 2017- 2019 ஆட்சிக் காலத்தில் சிறு வர்த்தக தொழிலை லிண்டா மெக்மஹோன் கவனித்து வந்தார். அதைத் தொடர்ந்து இரண்டு முறை கனெக்டிகட் மாகாணத்தில் இருந்து செனட் சபைக்கு குடியரசு கட்சி சார்பில் தேர்ந்தெடுக்கப்பட்டார். மேலும் 2009ஆம் ஆண்டு கனெக்டிகட் கல்வி அமைச்சகத்தில் சிறிது காலம் பணியாற்றி உள்ளார்.
Congrats to @Linda_McMahon, our new Secretary of Education! Honored to call you a friend and can't wait to see all you accomplish with @realDonaldTrump over the next four years. pic.twitter.com/UnX1WzuAwy
— Glenn Jacobs (@GlennJacobsTN) November 20, 2024
மேலும் கனெக்டிகட் மாகாணத்தில் உள்ள தூய இருதய ஆண்டர் பல்கலைக்கழக நிர்வாக குழுவின் சில ஆண்டுகாலம் பணியாற்றி உள்ளார். இந்நிலையில் தான் அவரை அமெரிக்க கல்வி அமைச்சர் பொறுப்புக்கு டொனால்ட் டிரம்ப் பரிந்துரை செய்துள்ளது ஆச்சரியத்தை ஏற்படுத்தி உள்ளது.
டொனால்ட் டிரம்பும் WWE மல்யுத்த போட்டித் தொடர் மூலமே முதல் முறையாக வெளியுலகத்திற்கு அறிமுகமானவர். அப்போதைய காலக்கட்டத்தில் தான் டிரம்புக்கும், லிண்டா மெக்மஹோனுக்கு பழக்கம் ஏற்பட்டு இருக்கலாம் எனக் கூறப்படுகிறது. அந்த நட்பே தற்போது லிண்டாவை இந்த நிலைக்கு உயர்த்தி உள்ளது.
Education Secretary Linda McMahon after the voucher doesn’t work out for the child George Bush left behind: pic.twitter.com/YrhhlzHOfB
— 𝕁𝕠𝕟𝕒𝕥𝕙𝕒𝕟 𝔼. ℂ𝕠𝕝𝕝𝕚𝕟𝕤 (@ProfJonCollins) November 20, 2024
இது குறித்து டொனால்ட் டிரம்ப் தனது எக்ஸ் பக்கத்தில், லிண்டா கடந்த பல ஆண்டுகளாக தலைமைத்துவ அனுபவத்தையும், கல்வி மற்றும் வணிகம் ஆகிய இரண்டையும் பற்றி ஆழமான புரிதலைப் கொண்டு இருப்பதாகவும், அடுத்த தலைமுறை அமெரிக்க மாணவர்கள் மற்றும் தொழிலாளர்களுக்கு அதிகாரம் அளித்து, உலகிலேயே அமெரிக்காவை கல்வியில் நம்பர் ஒன் இடத்துக்கு கொண்டு செல்வார் என்றும் பதிவிட்டுள்ளார்.
இதையும் படிங்க: வரலாறு படைக்க காத்திருக்கும் அஸ்வின்! முதலாவது டெஸ்ட்டில் சாத்தியமாகுமா?
