கோவாவை வீழ்த்தி பிளே ஆஃப் வாய்ப்பை தக்க வைத்தது மும்பை அணி! - Ultimate Table Tennis

Ultimate Table Tennis 2024: அல்டிமேட் டேபிள் டென்னிஸின் நேற்றை போட்டியில், நடப்பு சாம்பியனான கோவா சேலஞ்சர்ஸை வீழ்த்திய மும்பை பிளே ஆஃப் வாய்ப்பை தக்க வைத்துக் கொண்டது.

சென்னை: அல்டிமேட் டேபிள் டென்னிஸின் 5வது தொடரானது சென்னை ஜவஹர்லால் நேரு உள் விளையாட்டு அரங்கில் நடைபெற்று வருகிறது. இத்தொடரில் நேற்று (திங்கள்கிழமை) நடைபெற்ற போட்டியில், நடப்பு சாம்பியனான கோவா சேலஞ்சர்ஸ் அணி, யு மும்பா டிடி அணியுடன் மோதியது.

🇮🇳's 1️⃣9️⃣-year-old Yashaswini Ghorpade is your @IndianOilcl Player of the Tie in tonight's fixture between Athlead Goa Challengers & U Mumba TT 🌟👏

Catch the action live tomorrow at the Jawaharlal Nehru Indoor Stadium. Tickets available on https://t.co/or5ruqsmLk… pic.twitter.com/4euXWRt5IB

— Ultimate Table Tennis (@UltTableTennis) September 2, 2024

இரு அணிகளுக்குமே இது கடைசி லீக் ஆட்டமாக அமைந்திருந்தது. இதில் கோவா சேலஞ்சர்ஸ் அணியை 8-7 என்ற கணக்கில் வீழ்த்தி மும்பை அணி வெற்றிபெற்றது.

• முதலில் நடைபெற்ற ஆடவர் ஒற்றையர் பிரிவு ஆட்டத்தில் கோவா சேலஞ்சர்ஸ் அணியின் ஹர்மீத் தேசாயும் மும்பை அணியின் குவாட்ரி அருணாவை எதிர்த்து விளையாடினார். இதில் ஹர்மீத் தேசாய் 1-2 (7-11, 11-4, 10-11) என்ற செட் கணக்கில் தோல்வி அடைந்தார்.
• 2-வது நடைபெற்ற மகளிர் ஒற்றையர் பிரிவு ஆட்டத்தில் யாங்சி லியு - மரியா சியாவோவை எதிர்கொண்டார். இதில் கோவாவின் யாங்சி லியு 1-2 (11-9, 10-11, 9-11) என்ற செட் கணக்கில் வீழ்ந்தார்.
• 3-வது நடைபெற்ற கலப்பு இரட்டையர் பிரிவு ஆட்டத்தில் ஹர்மீத் தேசாய் - யாங்சி லியு ஜோடியானது - மரியா சியாவோ ஜோடியுடன் பலப்பரீட்சை நடத்தியது. இதில் கோவா அணியின் இயின் ஹர்மீத் தேசாய், யாங்சி லியு ஜோடி 2-1 (11-6, 10-11, 11-7) என்ற செட் கணக்கில் வெற்றியை வசப்படுத்தியது.
• 4-வதாக நடைபெற்ற ஆடவர் ஒற்றையர் பிரிவு ஆட்டத்தில் மிஹாய் போபோசிகா - மானவ் தாக்கருடன் மோதினார். இதில் மிஹாய் போபோசிகா 2-1 (11-6, 11-8, 7-11) என்ற செட் கணக்கில் வெற்றி பெற்றார்.
• கடைசியாக நடைபெற்ற மகளிர் ஒற்றையர் பிரிவு ஆட்டத்தில் கோவா சேலஞ்சர்ஸ் அணியின் யஷஸ்வினி கோர்படே, மும்பை அணியின் சுதிர்தா முகர்ஜியுடன் பலப்பரீட்சை நடத்தினார். இதில் யஷஸ்வினி கோர்படே 2-1 (11-8, 11-10, 10-11) என்ற செட் கணக்கில் வெற்றி பெற்றார்.

  𝙁𝙇𝘼𝙎𝙃⚡️
  
  Captain Harmeet's powerful forehand drive is your @Dafanewsindia Shot of the Tie in tonight's fixture between U Mumba TT & Athlead Goa Challengers 👊
  
  Catch the action live tomorrow at the Jawaharlal Nehru Indoor Stadium. Tickets available on… pic.twitter.com/YWQO6yiawa

  — Ultimate Table Tennis (@UltTableTennis) September 2, 2024

இறுதியில் 8-7 என்ற கணக்கில் கோவா அணியை வீழ்த்தி வெற்றி வாகை சூடிய மும்பை அணி, 36 புள்ளிகளுடன் 4-வது இடத்தில் நீடிக்கிறது. அதே போல், இந்த போட்டியில் தோல்வியை சந்தித்தாலும், 37 புள்ளிகளுடன் பட்டியலில் 3-வது இடத்துக்கு முன்னேறி பிளே ஆஃப் சுற்றுக்கு முன்னேறுவதற்கான வாய்ப்பை பெற்றுள்ளது கோவா அணி.

இதையும் படிங்க: சென்னை, புதுச்சேரியில் இந்தியா - ஆஸ்திரேலியா கிரிக்கெட்! ஒரு தமிழக வீரர் கூட இல்லை?