ஐதராபாத்: உலக அங்கீகாரம் பெற்ற விளையாட்டு தொடர் என்றால் அது ஒலிம்பிக். ஒலிம்பிக் போட்டியில் பதக்கம் வெல்ல வேண்டும் என்பது பல விளையாட்டு வீரர் வீராங்கனைகளின் வாழ்நாள் கனவாக உள்ளது. குறிப்பிடத்தக்க வகையிலான வீரர்களுக்கே ஒலிம்பிக் தொடரில் விளையாடும் வாய்ப்பு என்பது கிடைக்கிறது.
அதிலும் சிலரே ஒலிம்பிக் போட்டியில் தங்களுக்கு என தனி முத்திரையை பதிக்கின்றனர். அப்படி தனக்கு என தனி வழித்தடத்தை உருவாக்கிய வீரர்களில் ஒருவர் தான் அமெரிக்காவை சேர்ந்த நீச்சல் வீரர் மைக்கெல் பெல்ப்ஸ். ஒலிம்பிக் போட்டியில் இதுவரை 28 பதக்கங்களை வென்று வரலாறு படைத்து உள்ளார் மைக்கெல் பெல்ப்ஸ்.
அதில் 28 தங்கம், 3 வெள்ளி மற்றும் இரண்டு வெணகலப் பதக்கங்களை வென்று மைக்கெல் பெல்ப்ஸ் சாதனை படைத்துள்ளார். அதிலும் குறிப்பாக ஒலிம்பிக் வரலாற்றில் 162 நாடுகள் கைப்பற்றிய தங்கப் பதக்கங்களின் எண்ணிக்கையை காட்டிலும், மைக்கெல் பெல்ப்ஸ் வென்ற தங்கப் பதக்கத்தின் எண்ணிக்கை அதிகம் என்பது குறிப்பிடத்தக்கது.
ஒலிம்பிக் போட்டியில் இந்தியா இதுவரை 10 தங்கப் பதக்கங்களை மட்டுமே வென்று உள்ளது. மைக்கெல் பெல்ப்ஸ் வாங்கிய தங்கப் பதக்கங்களின் எண்ணிக்கையுடன் ஒப்பிடும் போது இந்தியா வென்ற தங்க பதக்கங்களின் எண்ணிக்கை பாதிக்கும் குறைவு என்பது குறிப்பிடத்தகக்து.
2000ஆம் அண்டு சிட்னி ஒலிம்பிக் போட்டியில் 15 வயதில் தனது ஒலிம்பிக் பயணத்தை தொடங்கினார் மைக்கெல் பெல்ப்ஸ். அந்த ஒலிம்பிக் போட்டியில் 200 மீட்டர் பட்டர்பிளை நீச்சல் போட்டியில் 5வது இடம் பிடித்து பதக்கம் வெல்லும் வாய்ப்பை இழந்தார் மைக்கெல் பெல்ப்ஸ். அதன் பின் 2004ஆம் ஆண்டு ஏதென்ஸ் ஒலிம்பிக்கில் கலந்து கொண்ட மைக்கெல் பெல்ப்ஸ் 6 தங்கம் 2 வெண்கலம் என மொத்தம் 8 பதக்கங்களை வென்று வரலாற்று சாதனை படைத்தார்.
அதன் பின் 2008ஆம் ஆண்டு பீஜிங் ஒலிம்பிக் போட்டியிலும் 8 பதக்கங்களை வென்று அசத்தினார். அந்த ஒலிம்பிக்கில் தலா 4 தங்கம் மற்றும் வெள்ளிப் பதக்கங்களை வென்று மைக்கெல் பெல்ப்ஸ் சாதனை படைத்தார். கடைசியாக 2016ஆம் ஆண்டு ரியோ ஒலிம்பிக் தொடரில் கலந்து கொண்ட அவர் 5 தங்கம் மற்றும் ஒரு வெள்ளிப் பதக்கம் வென்று அசத்தினார்.
இன்று சர்வதேச அளவிலான தடகள வீரர்களிலேயே பெரும் செல்வந்தராக வலம் வருகிறார் மைக்கெல் பெல்ப்ஸ். அவரது சொத்து மதிப்பு 837 கோடி ரூபாய் என மதிப்பிடப்பட்டுள்ளது.
இதையும் படிங்க: வாயை வச்சுட்டு சும்மா இருக்க மாட்டிங்களாங்க? எலான் மஸ்க்கை உசுப்பேற்றிய துருக்கி துப்பாக்கிச் சுடுதல் வீரர்! - Paris Olympics 2024
