கொல்கத்தா : 17வது ஐபிஎல் கிரிக்கெட் தொடர் நாடு முழுவதும் பல்வேறு நகரங்களில் விமரிசையாக நடைபெற்று வருகிறது. இதில் இன்று (ஏப்.16) இரவு 7.30 மணிக்கு தொடங்கும் 31வது லீக் ஆட்டத்தில் முன்னாள் சாம்பியன்கள் கொல்கத்தா நைட் ரைடர்ஸ் - ராஜஸ்தான் ராயல்ஸ் அணிகள் பலப்பரீட்சை நடத்துகின்றன.
டாஸ் வென்ற ராஜஸ்தான் அணியின் கேப்டன் சஞ்சு சாம்சன் பந்துவீச்சை தேர்வு செய்து உள்ளார். நடப்பு ஐபிஎல் சீசனில் ராஜஸ்தான் அணி விளையாடிய 6 போட்டிகளில் 5ல் வெற்றி பெற்று புள்ளிப் பட்டியலில் முதலிடத்தில் உள்ளது. கடைசியாக பஞ்சாப் கிங்ஸ் அணியை அதன் சொந்த மண்ணில் வீழ்த்தி ராஜஸ்தான் அணி வெற்றி வாகை சூடியது. தொடர் வெற்றிகள் காரணமாக பலம் வாய்ந்ததாக காணப்படும் ராஜஸ்தான் அணி இன்றைய ஆட்டத்திலும் வெற்றி பெற்று தொடர்ந்து முதலிடத்தில் நீடிக்க முயற்சி செய்யும்.
மறுபுறம் கொல்கத்தா நைட் ரைடர்ஸ் அணியும் விளையாடிய 5 ஆட்டங்களில் 4ல் வெற்றி பெற்று புள்ளிப் பட்டியலில் 2வது இடத்தில் உள்ளது. இன்றைய ஆட்டத்தில் ராஜஸ்தான் அணியை வீழ்த்தி கொல்கத்தா நிச்சயம் புள்ளிப் பட்டியலில் முதலிடத்தை பிடிக்க முயற்சிக்கும். வெற்றிக்காக இரு அணி வீரர்களும் கடுமையாக மல்லுக்கட்டுவார்கள் என்பதால் ஆட்டத்தில் விறுவிறுப்புக்கு பஞ்சம் இருக்காது.
போட்டிக்கான இரு அணி வீரர்கள் பட்டியல் :
கொல்கத்தா நைட் ரைடர்ஸ் : பிலிப் சால்ட் (விக்கெட் கீப்பர்), சுனில் நரைன், ஆங்கிரிஷ் ரகுவன்ஷி, ஷ்ரேயாஸ் ஐயர் (கேப்டன்), வெங்கடேஷ் ஐயர், ரிங்கு சிங், ஆண்ட்ரே ரஸ்ஸல், ராமன்தீப் சிங், மிட்செல் ஸ்டார்க், வருண் சக்கரவர்த்தி, ஹர்ஷித் ராணா.
ராஜஸ்தான் ராயல்ஸ் : யஷஸ்வி ஜெய்ஸ்வால், சஞ்சு சாம்சன் (கேப்டன் & விக்கெட் கீப்பர்), ரியான் பராக், துருவ் ஜூரல், ஷிம்ரோன் ஹெட்மியர், ரோவ்மேன் பவல், ரவிச்சந்திரன் அஷ்வின், டிரெண்ட் போல்ட், அவேஷ் கான், குல்தீப் சென், யுஸ்வேந்திர சாஹல்.
இதையும் படிங்க : தெலங்கானாவில் களைகட்டிய ஐபிஎல் சூதாட்டம்! ரூ.3.29 கோடி மதிப்பிலான ரொக்கம், பொருள் பறிமுதல்! கும்பல் சிக்கியது எப்படி? - IPL Betting
