உங்கள் வீட்டில் அடிக்கடி சாம்பார் செய்வீர்களா? எப்போதும் ஒரே மாதிரியான சாம்பார் சாப்பிட்டு சலித்து விட்டதா? அப்படியானால், மிகவும் சிம்பிள் மற்றும் சுவையாக இருக்கு மிளகாய் கிள்ளி சாம்பார் ட்ரை பண்ணி பாருங்கள். காலை டிபன் மற்றும் மதியம் சாதத்திற்கும் வைத்தும் சாப்பிடலாம். மிளகாய் கிள்ளி சாம்பார் எப்படி செய்வது என பார்க்கலாம் வாங்க..
தேவையான பொருட்கள்:
- துவரம் பருப்பு - 1 கப்
- பூண்டு - 4 பல்
- பச்சை மிளகாய் - 5
- தக்காளி - 2
- பெருங்காயத் தூள் - 1/4 டீஸ்பூன்
- மஞ்சள் தூள் - 1/4 டீஸ்பூன்
- சீரகம் - 1/4 டீஸ்பூன்
தாளிக்க தேவையான பொருட்கள்:
- எண்ணெய் - 1 டீஸ்பூன்
- கடுகு, உளுத்தம் பருப்பு - 1 டீஸ்பூன்
- வெந்தயம் - 5
- பெருங்காயத் தூள் - 1/4 டீஸ்பூன்
- காய்ந்த மிளகாய் - 5
- பெரிய வெங்காயம் - 1
- உப்பு - தேவையான அளவு
- புளி - 1 சின்ன நெல்லிக்காய் அளவு
- தண்ணீர் - 1 கப்
கிள்ளி போட்ட சாம்பார் செய்முறை:
- முதலில், குக்கரில் கழுவி வைத்துள்ள துவரம் பருப்பு மற்றும் 3/4 கப் தண்ணீர் ஊற்றவும். அதனுடன்,சீரகம், பூண்டு, பச்சை மிளகாய், நறுக்கி வைத்த தக்காளி, பெருங்காயத்தூள், மஞ்சள் தூள் சேர்க்கவும்.
- பருப்பு பொங்கி வராமல் இருப்பதற்கு 1 டீஸ்பூன் எண்ணெய் சேர்த்து குக்கரை மூடி 3 முதல் 4 விசில் விடவும். அதன் பின்னர், மத்து அல்லது விஸ்க்கர் வைத்து பருப்பை நன்கு மசித்து விடுங்கள்.
- இப்போது, அடுப்பில் ஒரு பாத்திரத்தை வைத்து எண்ணெய் ஊற்றி சூடானதும், கடுகு, உளுத்தம் பருப்பு, வெந்தயம், பெருங்காயத் தூள் சேர்த்து பொரிந்து வந்ததும், காய்ந்த மிளகாயை கிள்ளி போட்டு சேர்க்கவும். அதன் பின்னர், நறுக்கி வைத்த வெங்காயம், கறிவேப்பிலை மற்றும் சாம்பாருக்கு தேவையான அளவு உப்பு சேர்த்து வதக்கவும்
- அடுத்ததாக, தண்ணீர் மற்றும் கரைத்து வைத்த புளி சேர்த்து கொதிக்க விடுங்கள். தண்ணீர் கொதித்து வந்ததும் மசித்து வைத்த பருப்பு சேர்த்து ஒரு கொதி வந்ததும், கொத்தமல்லி சேர்த்து அடுப்பை அணைத்தால் கிள்ளி போட்ட சாம்பார் ரெடி.
இதையும் படிங்க:
ரோட்டுக்கடை ஸ்டைல் கார சட்னி இப்படி செய்ங்க..2 இட்லி எக்ஸ்ட்ரா சாப்பிடுவீங்க!
காரசாரமான பூண்டு குழம்பு இப்படி செய்ங்க...ஒரு வாரமானாலும் கெடாமல் இருக்கும்!
நெஞ்சு சளியை போக்கும் 'மிளகு ரசம்'..இப்படி செஞ்சா சாப்பிட மாட்டீங்க குடிப்பீங்க!
