சென்னை: தமிழ்நாடு முழுவதும் இன்று மக்களவை தேர்தலுக்கான வாக்குப் பதிவு தீவிரமாக நடைபெற்று வருகிறது. பொதுமக்கள் தங்கள் வாக்குகளை ஆர்வத்துடன் செலுத்தி வரும் நிலையில் பிரபலங்களும் தங்கள் ஜனநாயகக் கடமையை நிறைவேற்றி வருகின்றனர். தேர்தல் மற்றும் வாக்குச் செலுத்துவதன் முக்கியத்துவம் குறித்து பொதுமக்களுக்கு விழிப்புணர்வு ஏற்படுத்தும் நோக்கத்தில் பிரபலங்கள் தங்கள் கருத்துக்களையும் பதிவு செய்து வருகின்றனர்.
இந்நிலையில், இன்று காலை முதல் ஏராளமான பிரபலங்கள் சென்னையில் உள்ள பல்வேறு வாக்குச்சாவடிகளில் தங்கள் வாக்குகளை பதிவு செய்து வரும் நிலையில் நடிகர் விஷாலும் தனது ஜனநாயகக் கடமையை நிறைவேற்றி உள்ளார். சென்னை அண்ணா நகரில் உள்ள வாக்குச் சாவடிக்கு நடிகர் விஷால் சைக்கிளில் சென்று வாக்களித்தார். கடந்த 2021ஆம் ஆண்டு நடைபெற்ற சட்டப்பேரவை தேர்தலின்போது நடிகர் விஜய் சைக்கிளில் சென்று தனது வாக்கினை பதிவு செய்த நிலையில், அதே பாணியில் நடிகர் விஷால் இன்று வாக்கு செலுத்த வந்துள்ளார்.
- " class="align-text-top noRightClick twitterSection" data="">
மேலும், தேர்தல் மற்றும் வாக்குப் பதிவு குறித்து தனது ட்விட்டர் பக்கத்தில் பதிவிட்டுள்ள நடிகர் விஷால், "எனது இடது விரல் வைக்கப்பட்ட மையால் நான் பெருமை அடைகிறேன். நாட்டிற்கான நல்ல தலைவரை நான் தேர்வு செய்துள்ளதாக நம்புகிறேன். அனைவரும் வாக்களிக்க செல்லுங்கள். உங்கள் ஒரு வாக்கு என்ன மாற்றத்தை ஏற்படுத்திவிடப் போகிறது என தயவு செய்து யோசிக்காதீர்கள். வாக்கு சதவீதத்தை உயர்த்துங்கள்" என கேட்டுக்கொண்டுள்ளார்.
இதையும் படிங்க: வாக்காளர்களுக்கு விஜயின் அன்பு வேண்டுகோள்.. வாக்களித்தபின் எக்ஸ் பதிவு! - Tamil Nadu Lok Sabha Election 2024
