சென்னை: சிவகார்த்திகேயன் நடித்துள்ள ’அமரன்’ திரைப்படம் வரும் டிசம்பர் 11ஆம் தேதி ஓடிடியில் வெளியாகும் எனத் தகவல் வெளியாகியுள்ளது. ராஜ்கமல் ஃபிலிம்ஸ் இன்டர்நேஷனல் தயாரிப்பில் ராஜ்குமார் பெரியசாமி இயக்கத்தில் சிவகார்த்திகேயன், சாய் பல்லவி உள்ளிட்ட பலர் நடித்த 'அமரன்' திரைப்படம் கடந்த தீபாவளி பண்டிகையன்று உலகம் முழுவதும் வெளியானது.
மறைந்த முன்னாள ராணுவ வீரர் மேஜர் முகுந்த் வரதராஜனின் வாழ்க்கை வரலாற்றை தழுவி உருவாக்கப்பட்ட அமரன் திரைப்படத்திற்கு ஜி.வி.பிரகாஷ் இசையமைத்துள்ளார். அமரன் படத்தில் முகுந்த வரதராஜனின் காதல் வாழ்க்கை குறித்தும், ராணுவத்தில் அவர் சந்தித்த சவால்களை அடிப்படையாக கொண்டு உருவாக்கப்பட்டது. இப்படம் அறிவிக்கப்பட்டது முதல் பெரிய ஆரவாரம் இல்லாத நிலையில் சிவகார்த்திகேயன், சாய் பல்லவி கேரக்டர் அறிமுக வீடியோ பெரியளவில் கவனம் பெற்றது.
Honouring Brilliance!
— Raaj Kamal Films International (@RKFI) November 28, 2024
The Officers Training Academy proudly felicitates @Siva_Kartikeyan for his phenomenal performance in #Amaran, portraying #MajorMukundVaradarajan a distinguished alumnus of the OTA. #Amaran5thweek #AmaranMajorSuccess#KamalHaasan #Sivakarthikeyan… pic.twitter.com/WssThuahvT
சாய் பல்லவி கேரக்டர் வீடியோ பார்த்தது முதல் ரசிகர்கள் அவரை கொண்டாட தொடங்கினர். அமரன் திரைப்படம் வெளியான பிறகு சிவகார்த்திகேயன், சாய் பல்லவி ஆகியோரது நடிப்பை திரையுலகினர், அரசியல் பிரபலங்கள் என பலரும் பாராட்டி வந்தனர். சாக்னில்க் சினிமா வர்த்தக இணையதளம் வெளியிட்டுள்ள தகவல்படி அமரன் திரைப்படம் இதுவரை உலக அளவில் 321.79 கோடி வசூல் செய்துள்ளது.
இந்திய அளவில் 242 கோடியும் வசூல் செய்துள்ளது. சிவகார்த்திகேயனை முன்னணி நடிகர்கள் வரிசையில் அமரன் திரைப்படம் கொண்டு சென்றுள்ளது. மேலும் இந்த வருடம் வெளியான தமிழ் படங்களில் வசூலில் அமரன் திரைப்படம் இரண்டாம் இடம் பிடித்துள்ளது. இதுமட்டுமின்றி அமரன் திரைப்படத்தில் சிவகார்த்திகேயன் நடிப்பை பாராட்டி சென்னை ராணுவ பயிற்சி மையத்தில் நேரில் அழைத்து பாராட்டு தெரிவித்தனர்.
இதையும் படிங்க: ஓவர்நைட்டில் சம்பவம் செய்த அஜித்...3 மில்லியனை தாண்டி சாதனை படைக்கும் 'விடாமுயற்சி' டீசர்!
இந்நிலையில் அமரன் திரைப்படம் இந்த வாரம் ஓடிடியில் வெளியாகும் என எதிர்பார்க்கப்பட்ட நிலையில், வரும் டிசம்பர் 11ஆம் தேதி நெட்ஃபிளிக்ஸ் ஓடிடி தளத்தில் வெளியாகும் என தகவல் வெளியாகியுள்ளது. ஓடிடி ரிலீஸ் குறித்து படக்குழு தரப்பில் இருந்து விரைவில் அதிகாரப்பூர்வ அறிவிப்பு வெளியாகும் என தெரிகிறது. முன்னதாக தமிழ்நாடு திரையரங்க உரிமையாளர்கள் அமரன் படம் நன்றாக ஓடுவதால் ஓடிடி ரிலீஸை ஒத்திவைக்க வேண்டும் என கோரிக்கை விடுத்தனர். இந்நிலையில் அமரன் திரைப்படம் ஓடிடியில் வெளியாகி சாதனை படைக்கும் என எதிர்பார்க்கப்படுகிறது.
ஈடிவி பாரத் வாட்ஸ்அப் சேனலில் இணைய இங்கே கிளிக் செய்யவும்
