சென்னை: தமிழ் சினிமாவில் நகைச்சுவை படங்களை இயக்கி ரசிகர்கள் மத்தியில் நல்ல வரவேற்பை பெற்ற இயக்குநர் எம்.ராஜேஷ். இவர் ஏற்கனவே சிவா மனசுல சக்தி, பாஸ் என்கிற பாஸ்கரன் ஆகிய படங்களை இயக்கி உள்ளார். இப்படங்கள் ரசிகர்கள் மத்தியில் நல்ல வரவேற்பைப் பெற்றன.
#MAKKAMISHI 💥 𝟭st Single from #Brother Hits 2⃣ 𝗠𝗶𝗹𝗹𝗶𝗼𝗻 + 𝗩𝗶𝗯𝗲𝘀 🤙 & Trending on YouTube
— Screen Scene (@Screensceneoffl) July 24, 2024
▶️https://t.co/eptoTuN8HE
A @jharrisjayaraj Vibe 🎼
Lyrics ✍️ & Vocal 🎙#Paaldabba
Choreography @iamsandy_off🕺@actor_jayamravi @rajeshmdirector @priyankaamohan pic.twitter.com/fgmhKdezzU
இந்நிலையில், தற்போது ஜெயம் ரவி நடிப்பில் பிரதர் படத்தை இயக்கி வருகிறார். இப்படத்தை ஸ்கிரீன் சீன் மீடியா என்டர்டெயின்மெண்ட் பிரைவேட் லிமிடெட் தயாரித்துள்ளது. இப்படத்திற்கு இசையமைப்பாளர் ஹாரிஸ் ஜெயராஜ் இசையமைத்துள்ளார். ஜெயம் ரவிக்கு ஜோடியாக ப்ரியா மோகன் நடித்துள்ளார்.
இந்நிலையில், படத்திலிருந்து ஃப்ர்ஸ்ட் சிங்கிளான மக்காமிஷி பாடல் கடந்த 20ஆம் தேதி வெளியாகி ரசிகர்கள் மத்திய வரவேற்பை பெற்று வருகிறது. மேலும், யூடியூப்பில் 2 மில்லியன் பார்வையாளர்களை பெற்றுள்ளது. இப்பாடல் வரிகளை பால் டப்பா எழுதி பாடி உள்ளார். இப்பாடலின் நடனத்தை சாண்டி கையாண்டுள்ளார்.
இப்படத்தில் நட்டி, பூமிகா, சரண்யா பொன்வண்ணன், விடிவி கணேஷ், சீதா, அச்யுத் குமார், ராவ் ரமேஷ், எம் எஸ் பாஸ்கர், சதீஷ் கிருஷ்ணன், சுரேஷ் சக்கரவர்த்தி, விருத்தி விஷால் மற்றும் மாஸ்டர் அஷ்வின் உள்ளிட்ட பலர் முக்கிய கதாபாத்திரங்களில் நடித்துள்ளனர்.
இப்படத்தின் தொலைக்காட்சி ஒளிபரப்பும் உரிமையை ஜீ தமிழும், ஓடிடி உரிமையை ஜீ 5 தளமும் பெற்றுள்ளன. ஒரு இளைஞன் மற்றும் அவரது சகோதரிக்கு இடையேயான பாசப்பிணைப்பை கலகலப்பாகவும், உணர்ச்சிப்பூர்வமாகவும் சொல்லும் குடும்ப திரைப்படமாக பிரதர் இருக்கும் என எதிர்ப்பார்க்கப்படுகிறது.
ஈடிவி பாரத் தமிழ் வாட்ஸ்ஆப் சேனலில் இணைய இங்கே க்ளிக் செய்யவும்
இதையும் படிங்க: இசை அமைப்பாளராக உருவெடுத்த ஏ.ஆர்.ரகுமான் மகள் கதீஜா ரகுமான்! - Khatija Rahman Music debut
