சென்னை: தமிழ் சினிமாவில் வளர்ந்து வரும் நடிகையான மேகா ஆகாஷ், தமிழில் பேட்ட திரைப்படம் மூலம் நடிகையாக அறிமுகமானார். அதனைத் தொடர்ந்து சிம்புவுடன் 'வந்தா ராஜாவாதான் வருவேன்', தனுஷ் உடன் 'என்னை நோக்கி பாயும் தோட்டா' உள்ளிட்ட படங்களில் நடித்து பிரபலமானவர். என்னை நோக்கி பாயும் தோட்டா படத்தில் இடம்பெற்ற 'மறுவார்த்தை பேசாதே' என்ற பாடல் ரசிகர்கள் மத்தியில் மிகுந்த வரவேற்பைப் பெற்றது.
அதனைத் தொடர்ந்து, இவர் நடித்த 'யாதும் ஊரே யாவரும் கேளீர்', 'வடக்குப்பட்டி ராமசாமி' ஆகிய படங்கள் இவருக்கு தமிழ் சினிமாவில் நல்ல அடையாளத்தைக் கொடுத்தது. சமீபத்தில் விஜய் ஆண்டனியுடன் இவர் நடித்த 'மழை பிடிக்காத மனிதன்' படம் வெளியானது. இவர் தெலுங்கு திரைப்படங்களிலும் நடித்துள்ளார். இந்நிலையில், இன்று (ஆகஸ்ட் 23) மேகா ஆகாஷுக்கு திருமண நிச்சயதார்த்தம் நடைபெற்றுள்ளது.
மேகா ஆகாஷ் தனக்கும், நடிகர் சாய் விஷ்ணு என்பவருக்கும் திருமணம் நிச்சயதார்த்தம் நடைபெற்றுள்ளதை தனது சமூக வலைத்தளத்தில் பதிவிட்டுள்ளார். இவர்கள் இருவரும் 'பேசினால் போதும் அன்பே' என்ற குறும்படத்தில் இணைந்து நடித்துள்ளனர். பின்னர் இருவரும் காதலித்து வந்ததாக தெரிகிறது. இருவருக்கும் திரையுலகினர் மற்றும் ரசிகர்கள் வாழ்த்து தெரிவித்து வருகின்றனர். மேகா ஆகாஷ் திருமணம் குறித்த தகவல் விரைவில் அவர்கள் தரப்பில் இருந்து வெளியாகும் என்று எதிர்பார்க்கப்படுகிறது.
ஈடிவி பாரத் தமிழ் வாட்ஸ்ஆப் சேனலில் இணைய இங்கே கிளிக் செய்யவும்
இதையும் படிங்க: நெல்லையில் வாழை படத்தை ரசிகர்களுடன் பார்த்த மாரி செல்வராஜ்! - Mari selvaraj watched vaazhai
