சென்னை: மடோன் அஸ்வின், நடிகர் விக்ரம் கூட்டணி அதிகாரப்பூர்வமாக அறிவிக்கப்பட்டுள்ளது. தமிழ் சினிமாவில் பிரபல நடிகரான விக்ரம், பா.ரஞ்சித் இயக்கத்தில் நடித்த ’தங்கலான்’ திரைப்படம் நல்ல வரவேற்பை பெற்றது. பாக்ஸ் ஆபிஸில் 100 கோடிக்கு மேல் வசூல் செய்தது. தற்போது அருண்குமார் இயக்கத்தில் விக்ரம் ‘வீர தீர சூரன்’ திரைப்படத்தில் நடித்து வருகிறார். இந்த படத்தில் எஸ்.ஜே.சூர்யா, துஷாரா விஜயன் உள்ளிட்ட பலர் நடித்து வருகின்றனர்.
இப்படத்தின் டீசர் சில நாட்களுக்கு முன் வெளியாகி ரசிகர்கள் மத்தியில் மாபெரும் வரவேற்பை பெற்று வருகிறது. இந்நிலையில் மடோன் அஸ்வின் இயக்கத்தில் விக்ரம் நடிக்கவிருப்பதாக தகவல் வெளியானது. இன்று(டிச.13) அதுகுறித்து அதிகாரப்பூர்வ தகவல் வெளியாகியுள்ளது. சாந்தி டாக்கீஸ் நிறுவனம் தயாரிப்பில் மடோன் அஸ்வின் இயக்கும் படத்தில் விக்ரம் நடிக்கிறார்.
Extremely happy to announce our Production No.3 with @chiyaan sir for #Chiyaan63 ! Thank you for letting us to be a part of your incredible journey sir!
— Shanthi Talkies (@ShanthiTalkies) December 13, 2024
It’s a pleasure to work with @madonneashwin for the second time! Looking forward to have yet another memorable experience!… pic.twitter.com/AUcq8VyWRb
இதையும் படிங்க: திருத்தணி கோயிலில் நடிகர் சிவகார்த்திகேயன் சாமி தரிசனம்; செல்ஃபி எடுத்து மகிழ்ந்த ரசிகர்கள்! - SIVAKARTHIKEYAN
முன்னதாக சாந்தி டாக்கிஸ் நிறுவனம் தயாரிப்பில் மடோன் அஸ்வின் இயக்கத்தில் சிவகார்த்திகேயன் நடித்த திரைப்படம் ’மாவீரன்’. இப்படம் கடந்த வருடம் வெளியாகி பாக்ஸ் ஆபிஸில் நல்ல வசூலை பெற்று வெற்றி படமாக அமைந்தது. இந்நிலையில் இளம் இயக்குநர் மடோன் அஸ்வின் இயக்கத்தில் விக்ரம் நடிக்கவுள்ளது அவரது ரசிகர்கள் மத்தியில் எதிர்பார்ப்பை ஏற்படுத்தியுள்ளது.
