சென்னை: பிரபல நடிகர் ரஜினிகாந்த் உடல்நலக் குறைவு காரணமாக கடந்த செப்.30ஆம் தேதி சென்னை அப்போலோ மருத்துவமனையில் சிகிச்சைக்காக அனுமதிக்கப்பட்டார். முதலில் வயிற்று வலி காரணமாக அவர் அனுமதிக்கப்பட்டுள்ளார் என கூறப்பட்டது.
இதனைத்தொடர்ந்து ரஜினிகாந்த் உடல்நலம் குறித்து அப்போலொ மருத்துவமனை வெளியிட்ட அறிக்கையில், இதயத்தில் (aorta) இருந்து வெளியேறும் ரத்த நாளத்தில் வீக்கம் ஏற்பட்டுள்ளது. அவருக்கு அறுவை சிகிச்சை இல்லாத (transcatheter) stent முறையில் சிகிச்சை அளிக்கப்பட்டுள்ளது என தெரிவித்தனர்.
My dear honourable Prime Minister Shri @narendramodi ji … my heartfelt thanks to you for your care and concern regarding my health and checking on me personally 🙏🏻
— Rajinikanth (@rajinikanth) October 4, 2024
நடிகர் ரஜினிகாந்த் உடல் நலம் குறித்து அவரது மனைவியிடம் பிரதமர் நரேந்திர மோடி தொலைபேசியில் தொடர்பு கொண்டு நலம் விசாரித்தார். அதேபோல் தமிழக ஆளுநர் ஆர்.என்.ரவி, முதல்வர் ஸ்டாலின், எதிர்கட்சி தலைவர் எடப்பாடி பழனிசாமி, ஆந்திர முதல்வர் சந்திரபாபு நாயுடு உள்ளிட்ட அரசியல் தலைவர்கள் மற்றும் பல நடிகர்கள் விரைவில் குணமடைய வேண்டும் என சமூக வலைதளத்தில் பதிவிட்டனர்.
Thanking the honourable Governor of Tamil Nadu @rajbhavan_tn Shri Mr Ravi for enquiring about my health 🙏🏻
— Rajinikanth (@rajinikanth) October 4, 2024
இந்நிலையில் உடல் நலம் தேறிய நடிகர் ரஜினிகாந்த் இன்று (அக்.04) மருத்துவமனையிலிருந்து டிஸ்சார்ஜ் செய்யப்பட்டார். இதனைத்தொடர்ந்து ரஜினிகாந்த் பிரதமர் நரேந்திர மோடி, தமிழக ஆளுநர் ஆர்.என்.ரவி, முதல்வர் மு.க.ஸ்டாலின், ஆந்திர முதல்வர் சந்திரபாபு நாயுடு, நடிகர் அமிதாப் பச்சன் உள்ளிட்டோருக்கு நன்றி தெரிவித்து தனது எக்ஸ் பக்கத்தில் பதிவிட்டுள்ளார்.
நான் மருத்துவமனையில் இருக்கும்போது, எனது நலன் விசாரித்து, நான் சீக்கிரம் குணமடைய வாழ்த்திய, எனது அருமை நண்பர் தமிழக முதலமைச்சர் மாண்புமிகு @mkstalin மு.க.ஸ்டாலின் அவர்களுக்கு எனது மனமார்ந்த நன்றிகளை தெரிவித்துக்கொள்கிறேன் 🙏🏻
— Rajinikanth (@rajinikanth) October 4, 2024
மேலும் அவர் வெளியிட்டுள்ள அறிக்கையில், நான் மருத்துவமனையில் இருக்கும் போது, நான் சீக்கிரம் உடல் நலம் பெற என்னை வாழ்த்திய அனைத்து அரசியல் நண்பர்களுக்கும், திரைப்பட துறையை சார்ந்தவர்களுக்கும், எனது அனைத்து நண்பர்களுக்கும், நலவிரும்பிகளுக்கும், பத்திரிக்கை நண்பர்களுக்கும், எனது மனமார்ந்த நன்றிகள்.
— Rajinikanth (@rajinikanth) October 4, 2024
இதையும் படிங்க: ”ரொம்ப அழகாயிருக்கு”... கோட் படக்குழு விஜய்க்கு அளித்த மோதிர பரிசு! - Vijay goat ring
நான் நலம் பெற பிரார்த்தனை செய்த, மனதார வாழ்த்திய என்மீது அளவில்லா அன்பு வைத்திருக்கும் என்னை வாழவைக்கும் தெய்வங்களான ரசிகர்களுக்கும், அனைத்து மக்களுக்கும் எனது உளமார மனமார்ந்த நன்றியை தெரிவித்து கொள்கிறேன்” என கூறியுள்ளார். ரஜினிகாந்த் நடித்துள்ள வேட்டையன் திரைப்படம் வரும் அக்டோபர் 10ஆம் தேதி வெளியாகிறது.
ஈடிவி பாரத் வாட்ஸ்அப் சேனலில் இணைய இங்கே கிளிக் செய்யவும்
