சென்னை: மைத்ரி மூவி மேக்கர்ஸ் தயாரிப்பில் ஆதிக் ரவிச்சந்திரன் இயக்கத்தில் அஜித் கதாநாயகனாக நடிக்கும் திரைப்படம் 'குட் பேட் அக்லி' (good bad ugly). தேவி ஸ்ரீபிரசாத் இசையமைக்கும் இப்படத்தில் அஜித் இரட்டை வேடங்களில் நடித்து வருவதாக தகவல் வெளியாகியுள்ளது.
படக்குழு 'குட் பேட் அக்லி' திரைப்படம் வரும் 2025 பொங்கல் பண்டிகைக்கு வெளியாகும் என்று அறிவித்துள்ள நிலையில், படப்பிடிப்பு கிட்டதட்ட முடிந்துள்ளது. அஜித் ஒரே நேரத்தில் ’விடாமுயற்சி’ மற்றும் 'குட் பேட் அக்லி' படத்தில் நடித்து வருவதால் சற்று தாமதமாவதாக படக்குழு வட்டாரத்தில் பேசப்படுகிறது. மேலும் இந்த படத்தில் நடிகர் பிரசன்னா நடிப்பதாக தகவல் வெளியான நிலையில், பிரசன்னா தனது சமூக வலைதள பகக்த்தில் அதனை உறுதி செய்துள்ளார்.
அவர் வெளியிட்டுள்ள பதிவில், “ஆம், உண்மைதான். நான் அஜித்குமார் படத்தில் நடிக்கிறேன். எனது கனவு நினைவாகியுள்ளது. மங்காத்தா முதல் ஒவ்வொரு அஜித் படம் அறிவிக்கப்படும் போது நான் நடிப்பதாக தகவல் வெளியாகும், அஜித் ரசிகர்களும் எனக்கு வாழ்த்து தெரிவிப்பதுண்டு.
இறுதியாக நான் 'குட் பேட் அக்லி' படத்தில் நடிக்கிறேன். இந்த வாய்ப்பு கிடைக்க காரணமாக இருந்த கடவுளுக்கும், அஜித்துக்கும், ஆதிக் மற்றும் முக்கியமாக நான் அஜித்துடன் நடிக்க வேண்டும் என்று ஆசைப்பட்ட ரசிகர்களுக்கும் நன்றி தெரிவித்துக் கொள்கிறேன். நான் 'குட் பேட் அக்லி' படத்தில் சில காட்சிகளில் நடித்துவிட்டேன்.
இதையும் படிங்க: மருத்துவமனையில் இருந்து நடிகர் ரஜினிகாந்த் டிஸ்சார்ஜ்! - Rajinikanth discharged
ஆனால் படம் பற்றி இப்போது கூற முடியாது” என்று பதிவிட்டுள்ளார். நடிகர் பிரசன்னா மனைவி சினேகா விஜய்க்கு ஜோடியாக கோட் படத்தில் நடித்தார் என்பது குறிப்பிடத்தக்கது. மேலும் 'குட் பேட் அக்லி' படத்தில் அர்ஜூன் தாஸ் நடிப்பதாகவும் கூறப்படுகிறது.
ஈடிவி பாரத் வாட்ஸ்அப் சேனலில் இணைய இங்கே கிளிக் செய்யவும்
