ஹைதராபாத்: ஜம்மு காஷ்மீரில் காங்கிரஸ் - என்சி கூட்டணி 48 இடங்களை கைப்பற்றியுள்ளது. பாஜக 29 இடங்களை கைப்பற்றியுள்ளது. இதேபோல், ஹரியானாவில் மாலை 6.30 மணி நிலவரப்படி பாஜக 45 இடங்களிலும், காங்கிரஸ் 35 இடங்களிலும் வெற்றி பெற்றுள்ளன. இருகட்சிகளிடையே 5 தொகுதிகளில் இழுபறி நீடிக்கிறது.
இந்நிலையில், இரு மாநில சட்டப் பேரவைத் தேர்தலில் வெற்றி, தோல்வியை சந்தித்த நட்சத்திர வேட்பாளர்கள் குறித்த தகவலை இங்கு காண்போம்:
ஹரியாணாவில் பாஜக முதல்வர் வேட்பாளர் நயாப் சிங் சைனி, காங்கிரஸ் மூத்த தலைவர் பூபிந்தர் சிங் ஹூடா, மல்யுத்த வீராங்கனை வினேஷ் போகத், பாஜகவிலிருந்து விலகி, சுயேட்சையாக போட்டியிட்ட சாவித்ரி ஜிண்டால் ஆகியோர் வெற்றி பெற்றுள்ளனர்.
அதே நேரத்தில் முன்னாள் துணை பிரதமர் சவுத்ரி லால் குடும்பத்தைச் சேர்ந்தவரும், ஜனநாயக் ஜனதா கட்சி தலைவர் துஷ்யந்த் சவுதாலா, உச்சன காலன் தொகுதியில் போட்டியிட்ட நிலையில் அவர் 7950 வாக்குகள் மட்டுமே பெற்று 5-வது இடத்துக்கு தள்ளப்பட்டார். அத்தொகுதியில் பாஜகவின் தேவேந்திர சதர் புஜ் அத்திரி 48968 வாக்குகள் பெற்று வெற்றி பெற்றார்.
இதையும் படிங்க: ஹரியானாவில் 3வது முறையாக பாஜக ஆட்சி.. அதீத நம்பிக்கையால் வாய்ப்பை இழந்ததா காங்கிரஸ்?
இதேபோல் ஜம்மு - காஷ்மீரில் நட்சத்திர வேட்பாளர்களான தேசிய மாநாட்டுக் கட்சியின் (என்சி) தலைவர் ஒமர் அப்துல்லா, மார்க்சிஸ்ட் கம்யூனிஸ்ட் கட்சியின் எம்.ஒய்.தாரிகாமி, ஆம் ஆத்மி கட்சியின் மெஹ்ராஜ் மாலிக் ஆகியோர் வெற்றிக்கனியை சுவைத்துள்ளனர். அதேநேரத்தில் மக்கள் ஜனநாயகக் கட்சி (பிடிபி) தலைவர் மெஹபூபா முஃப்தியின் மகள் இல்திஜா முஃப்தி, அம்மாநில பாஜக தலைவர் ரவீந்தர் ரெய்னா ஆகியோர் தோல்வியடைந்துள்ளனர்.
2001 நாடாளுமன்ற தாக்குதல் குற்றவாளியான அப்சல் குருவின் சகோதரர் ஐஜாஸ் அகமது குரு, வடக்கு காஷ்மீரில் உள்ள சோபோர் தொகுதியில் சுயேச்சையாக போட்டியிட்டு வெறும் 129 வாக்குகள் மட்டுமே பெற்று படுதோல்வியடைந்தார்.
இரு மாநிலங்களிலும் வெற்றி, தோல்வியை கண்ட நட்சத்திர வேட்பாளர்கள் பட்டியல் வருமாறு:
1) ஹரியானா:
| வேட்பாளர் | கட்சி | தொகுதி | வாக்குகள் | முடிவு | எதிர் வேட்பாளர் | கட்சி | வாக்குகள் |
|---|---|---|---|---|---|---|---|
| நயாப் சிங் சைனி | பாஜக | லட்வா | 70177 | வெற்றி | மேவா சிங் | காங்கிரஸ் | 54123 |
| பூபிந்தர் சிங் ஹூடா | காங்கிரஸ் | கர்ஹி சாம்ப்லா-கிலோய் | 108539 | வெற்றி | மஞ்சு | பாஜக | 37074 |
| வினேஷ் போகத் | காங்கிரஸ் | ஜூலானா | 65080 | வெற்றி | யோகேஷ்குமார் | பாஜக | 59065 |
| சாவித்ரி ஜிண்டால் | சுயேட்சை | ஹிசார் | 49231 | வெற்றி | ராம் நிவாஸ் ராரா | காங்கிரஸ் | 30290 |
2) ஜம்மு - காஷ்மீர்:
| வேட்பாளர் | கட்சி | தொகுதி | வாக்குகள் | முடிவு | எதிர் வேட்பாளர் | கட்சி | வாக்குகள் |
|---|---|---|---|---|---|---|---|
| ஒமர் அப்துல்லா | என்சி | காந்தெப்ரல் | 32727 | வெற்றி | பஷீர் அகமது மிர் | பிடிபி | 22153 |
| பஷீர் அஹ்மத் ஷா வீரி | என்சி | ஸ்ரீ குஃப்வாரா-பிஜ்பெஹாரா | 33299 | வெற்றி | இல்திஜா முஃப்தி | பிடிபி | 23529 |
| சுரிந்தர் குமார் சவுத்ரி | என்சி | நவ்ஷேரா | 35069 | வெற்றி | ரவீந்தர் ரெய்னா | பாஜக | 27250 |
| எம்.ஒய்.தாரிகாமி | மார்க்சிஸ்ட் கம்யூனிஸ்ட் | குல்காம் | 33634 | வெற்றி | சாயர் அகமது ரெஷி | சுயேட்சை | 25796 |
| முஷ்தாக் குரு | என்சி | சன்னபோரா | 13717 | வெற்றி | சையத் முகமது அல்தாப் புகாரி | ஜேகேஏபி | 8029 |
| மெஹ்ராஜ் மாலிக் | ஆம் ஆத்மி | தோடா | 23228 | வெற்றி | கஜய் சிங் ராணா | பாஜக | 18690 |
ஈடிவி பாரத் தமிழ் வாட்ஸ்ஆப் சேனலில் இணைய இங்கே க்ளிக் செய்யவும்
