ਪਤਨੀ ਨੇ ਧੀ ਨੂੰ ਜਨਮ ਦਿੱਤਾ ਤਾਂ ਪਤੀ ਕਰਵਾਉਣ ਜਾ ਰਿਹਾ ਸੀ ਦੂਜਾ ਵਿਆਹ, ਫਿਰ...

ਬਲਰਾਮਪੁਰ : ਜ਼ਿਲ੍ਹੇ ਦੇ ਰਾਜਪੁਰ ਥਾਣੇ ਨਾਲ ਲਗਦੇ ਪਿੰਡ ਪੰਚਾਇਤ ਸੇਵਾਰੀ 'ਚ ਇੱਕ ਵਿਅਕਤੀ ਨੇ ਦੂਜਾ ਵਿਆਹ ਕਰਨ ਜਾ ਰਿਹਾ ਸੀ। ਉਸ ਦੀ ਪਹਿਲੀ ਪਤਨੀ ਪੁਲਿਸ ਅਤੇ ਮਹਿਲਾ ਅਤੇ ਬਾਲ ਵਿਕਾਸ ਅਧਿਕਾਰੀ ਸਮੇਤ ਮੰਡਪ ਵਿੱਚ ਪਹੁੰਚੀ। ਪੁਲਿਸ ਨੇ ਲਾੜੇ ਨੂੰ ਮੰਡਪ 'ਚੋਂ ਚੁੱਕ ਕੇ ਥਾਣੇ ਲਿਆਂਦਾ। ਇਸ ਵਿਅਕਤੀ ਦੀ ਪਹਿਲੀ ਪਤਨੀ ਦਾ ਕਹਿਣਾ ਹੈ ਕਿ ''ਉਸ ਦਾ ਪਤੀ ਸੁਨੀਲ ਕੇਰਕੇਟਾ ਨਗਰ ਸੈਨਿਕ 'ਚ ਕਾਂਸਟੇਬਲ ਹੈ। ਸਾਲ 2019 'ਚ ਦੋਵਾਂ ਦਾ ਵਿਆਹ ਹਿੰਦੂ ਰੀਤੀ-ਰਿਵਾਜ਼ਾਂ ਮੁਤਾਬਕ ਹੋਇਆ ਸੀ। ਵਿਆਹ ਦੇ ਇੱਕ ਸਾਲ ਬਾਅਦ ਉਸ ਨੇ ਇੱਕ ਬੇਟੀ ਨੂੰ ਜਨਮ ਦਿੱਤਾ। ਜਿਸ ਤੋਂ ਬਾਅਦ ਉਸ ਦਾ ਪਤੀ ਉਸ ਦੀ ਕੁੱਟਮਾਰ ਕਰਦਾ ਸੀ। ਇੱਥੋਂ ਤੱਕ ਕਿ ਉਸ ਨੇ ਆਪਣੀ ਧੀ ਦਾ ਮੂੰਹ ਤੱਕ ਨਹੀਂ ਦੇਖਿਆ। ਔਰਤ ਦਾ ਦਾਅਵਾ ਹੈ ਕਿ ਬੇਟੀ ਦਾ ਜਨਮ ਹੋਣ ਕਾਰਨ ਉਹ ਦੂਜਾ ਵਿਆਹ ਕਰਵਾਉਣ ਜਾ ਰਿਹਾ ਸੀ।