ਕੈਮਰੇ ਦੀਆਂ ਫਲੈਸ਼ਾਂ ਨਾਲ ਸਵਾਗਤ, ਨਾਮ ਹੈ ਨੀਰਜ

ਨਵੀਂ ਦਿੱਲੀ: ਟੋਕੀਓ ਓਲੰਪਿਕਸ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਤੋਂ ਬਾਅਦ ਭਾਰਤੀ ਖਿਡਾਰੀ ਅੱਜ ਭਾਰਤ ਪਰਤੇ ਹਨ। ਭਾਰਤ ਨੇ ਟੋਕੀਓ ਵਿੱਚ ਆਪਣੇ ਓਲੰਪਿਕ ਇਤਿਹਾਸ ਵਿੱਚ ਹੁਣ ਤੱਕ ਦਾ ਸਭ ਤੋਂ ਵਧੀਆ ਪ੍ਰਦਰਸ਼ਨ ਕੀਤਾ ਹੈ। ਭਾਰਤ ਨੇ ਇਸ ਵਾਰ ਲੰਡਨ ਓਲੰਪਿਕਸ ਦੀ ਮੈਡਲ ਸੂਚੀ ਨੂੰ ਪਿੱਛੇ ਛੱਡਦੇ ਹੋਏ ਕੁੱਲ 7 ਤਮਗੇ ਜਿੱਤੇ ਹਨ। ਭਾਰਤ ਨੂੰ 2008 ਤੋਂ ਬਾਅਦ ਪਹਿਲੀ ਵਾਰ ਸੋਨ ਤਮਗਾ ਵੀ ਮਿਲਿਆ। ਹਵਾਈ ਅੱਡੇ ਤੋਂ ਬਾਹਰ ਨਿਕਲਣ ਦੇ ਨਾਲ ਸਾਰੇ ਓਲੰਪਿਕ ਖਿਡਾਰੀ ਸਿੱਧੇ ਅਸ਼ੋਕਾ ਹੋਟਲ ਲਈ ਰਵਾਨਾ ਹੋ ਗਏ। ਸਾਰੇ ਮੈਡਲ ਜੇਤੂਆਂ ਨੂੰ ਅਸ਼ੋਕਾ ਹੋਟਲ ਵਿੱਚ ਸਨਮਾਨਿਤ ਕੀਤਾ ਜਾਵੇਗਾ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਵੀ ਰਿਸੈਪਸ਼ਨ ਵਿੱਚ ਸ਼ਾਮਲ ਹੋਣ ਦੀ ਉਮੀਦ ਹੈ। ਖਿਡਾਰੀਆਂ ਦੇ ਸਨਮਾਨ ਲਈ ਉਥੇ ਵਿਸ਼ੇਸ਼ ਤਿਆਰੀਆਂ ਕੀਤੀਆਂ ਗਈਆਂ ਹਨ।