Drug Recover: ਪੁਲਿਸ ਨੇ ਨਸ਼ੀਲੀਆਂ ਗੋਲੀਆਂ ਦੀ ਵੱਡੀ ਖੇਪ ਸਮੇਤ ਮੁਲਜ਼ਮ ਕੀਤਾ ਗ੍ਰਿਫ਼ਤਾਰ

ਜਲੰਧਰ: ਕਾਲਾ ਸੰਘਿਆ ਰੋਡ ਤੇ ਈਸਟ ਐਨਕਲੇਵ ਵਿਖੇ ਸਪੈਸ਼ਲ ਆਪ੍ਰੇਸ਼ਨ ਯੂਨਿਟ ਨੇ ਇਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ। ਜਿਸ ਪਾਸੋਂ ਨਸ਼ੇ ਦੇ ਇਸਤੇਮਾਲ ਹੋਣ ਵਾਲੀਆਂ ਅਲਪਰਾਜੋਲਮ (Alprazolam) ਦੀਆਂ 1170 ਗੋਲੀਆਂ (Drug Pills)ਬਰਾਮਦ ਹੋਈਆਂ।ਇਸ ਦੀ ਪਛਾਣ ਜਲੰਧਰ ਦੇ ਬਸਤੀ ਸ਼ੇਖ ਨਿਵਾਸੀ ਅਮਰੀਕ ਸਿੰਘ ਉਰਫ ਵਿੱਕੀ ਦੇ ਰੂਪ ਵਿਚ ਹੋਈ ਹੈ। ਜਲੰਧਰ ਦੇ ਡੀਸੀਪੀ ਗੁਰਮੀਤ ਸਿੰਘ ਨੇ ਮਾਮਲੇ ਦੀ ਜਾਣਕਾਰੀ ਦਿੰਦੇ ਹੋਏ ਕਿਹਾ ਹੈ ਕਿ ਇਹ ਵਿਅਕਤੀ ਇਕ ਪ੍ਰਾਈਵੇਟ ਬੱਸ (BUS) ਸਰਵਿਸ ਵਿੱਚ ਡਰਾਈਵਰ ਦੇ ਤੌਰ 'ਤੇ ਨੌਕਰੀ ਕਰਦਾ ਸੀ ਅਤੇ ਜ਼ੀਰਕਪੁਰ ਤੋਂ ਨੇਪਾਲ ਬਾਰਡਰ ਤੱਕ ਬੱਸ ਚਲਾਉਂਦਾ ਸੀ ਅਤੇ ਉੱਥੋਂ ਨਸ਼ੇ ਦੀਆਂ ਗੋਲੀਆਂ ਖਰੀਦ ਕੇ ਲਿਆਂਦਾ ਸੀ।