Cloud Burst in Himachal: ਕਦੇ ਨਾ ਪਹੁੰਚਣ ਨਾਲੋ ਦੇਰੀ ਭਲੀ ! ਲੋਕ ਆਪਣੀ ਜਾਨ ਖ਼ਤਰੇ 'ਚ ਪਾ ਕੇ ਰਸਤਾ ਕਰ ਰਹੇ ਪਾਰ

ਚੰਬਾ: ਹਿਮਾਚਲ ਪ੍ਰਦੇਸ਼ ਵਿੱਚ ਮੀਂਹ ਨੇ ਤਬਾਹੀ ਮਚਾ ਦਿੱਤੀ ਹੈ। ਚੰਬਾ ਜ਼ਿਲ੍ਹੇ ਦੇ ਪਿੰਡ ਸਰੋਗ ਵਿੱਚ ਬੱਦਲ ਫੱਟਣ ਨਾਲ ਭਾਰੀ ਤਬਾਹੀ ਹੋਈ ਹੈ। ਜ਼ਮੀਨ ਖਿਸਕਣ ਕਾਰਨ ਕੰਧ ਡਿੱਗ ਗਈ। ਮਲਬੇ ਹੇਠ ਦੱਬਣ ਨਾਲ 15 ਸਾਲਾ ਨੌਜਵਾਨ ਦੀ ਮੌਤ ਹੋ ਗਈ। ਇਹ ਘਟਨਾ ਕਿਹਾਰ ਸੈਕਟਰ ਦੇ ਡੰਡ ਮੁਗਲ ਦੇ ਭਦੋਗਾ ਪਿੰਡ ਵਿੱਚ ਦੇਰ ਰਾਤ ਵਾਪਰੀ। ਦੇਰ ਰਾਤ ਤੋਂ ਚੰਬਾ ਜ਼ਿਲੇ 'ਚ ਭਾਰੀ ਬਾਰਿਸ਼ ਜਾਰੀ ਹੈ, ਜਿਸ ਕਾਰਨ ਚੰਬਾ ਤੀਸਾ ਰੋਡ ਰਾਖਲੂ ਨਾਲੇ ਦੇ ਕੋਲ ਬੰਦ ਹੋ ਗਿਆ ਅਤੇ ਪਾਣੀ ਦੇ ਚਸ਼ਮੇ ਵਹਿਣੇ ਸ਼ੁਰੂ ਹੋ ਗਏ। ਜਿਸ ਕਾਰਨ ਇੱਥੋਂ ਲੰਘਣਾ ਜੋਖ਼ਮ ਭਰਿਆ ਹੋ ਗਿਆ। ਅਜਿਹੇ 'ਚ ਜਲਦਬਾਜ਼ੀ ਦੀ ਤਸਵੀਰ ਵੀ ਸਾਹਮਣੇ ਆਈ ਹੈ। ਕੁਝ ਲੋਕ ਆਪਣੇ ਮੋਟਰਸਾਈਕਲਾਂ ਨੂੰ ਇਸ ਡਰੇਨ ਵਿੱਚੋਂ ਲੰਘਾਉਂਦੇ ਦੇਖੇ ਗਏ ਜੋ ਕਿਸੇ ਖ਼ਤਰੇ ਤੋਂ ਘੱਟ ਨਹੀਂ ਸੀ।