ਅੰਮ੍ਰਿਤਸਰ ਦੇ ਗੋਲਡਨ ਗੇਟ ਤੋਂ ਕੁੰਡਲੀ ਬਾਰਡਰ ਤੱਕ ਰਵਾਨਾ ਹੋਈ ਬਾਇਕ ਰੈਲੀ

ਅੰਮ੍ਰਿਤਸਰ: ਪੰਜਾਬ ਬਾਈਕ ਰੈਲੀ ਸਵੇਰੇ 6 ਵਜੇ ਅੰਮ੍ਰਿਤਸਰ ਸਾਹਿਬ ਦੇ ਗੋਲਡਨ ਗੇਟ ਤੋਂ ਰਵਾਨਾ ਹੋਈ। ਇਸ ਰੈਲੀ ਵਿੱਚ ਕਾਫ਼ੀ ਤਦਾਦ ਵਿੱਚ ਕੁੜੀਆਂ, ਮੁੰਡਿਆਂ ਨੇ ਹਿੱਸਾ ਲਿਆ। ਇਹ ਬਾਈਕ ਰੈਲੀ ਕਿਸਾਨਾਂ ਦੇ ਹੱਕ ਵਿੱਚ ਅੰਮ੍ਰਿਤਸਰ ਤੋਂ ਕੁੰਡਲੀ ਬਾਰਡਰ ਤੱਕ ਕੱਢੀ ਜਾ ਰਹੀ ਹੈ। ਬਾਇਕ ਰਾਈਡਰ ਦਾ ਕਹਿਣਾ ਸੀ ਕਿ ਰੈਲੀ ਦਾ ਮਕਸਦ ਇਹ ਹੈ ਕਿ ਕਿਸਾਨਾਂ ਨੂੰ ਪਤਾ ਚੱਲ ਸਕੇ ਕਿ ਯੂਥ ਵੀ ਉਨ੍ਹਾਂ ਦੇ ਨਾਲ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਨਵਾਂ ਸਾਲ ਹੁਣ ਦਿੱਲੀ 'ਚ ਕਿਸਾਨਾਂ ਦੇ ਨਾਲ ਹੀ ਮਨਾਵਾਂਗੇ। ਜੇਕਰ ਸਾਡਾ ਅੰਨਦਾਤਾ ਠੰਢ ਵਿੱਚ ਉੱਥੇ ਧਰਨੇ 'ਤੇ ਬੈਠਾ ਹੈ ਤੇ ਅਸੀਂ ਨਵੀਂ ਪੀੜ੍ਹੀ ਵੀ ਰਜਾਈਆਂ ਛੱਡ ਕੇ ਉਨ੍ਹਾਂ ਨੂੰ ਸਮਰਥਨ ਤੇ ਹੌਸਲਾ ਦੇਣ ਲਈ ਚੱਲੇ ਹਾਂ।