ਚੋਰਾਂ ਨੇ ਘਰ ਚੋਂ ਲੱਖਾਂ ਦਾ ਸੋਨਾ ਤੇ 55 ਹਜ਼ਾਰ ਦੀ ਨਕਦੀ ਕੀਤੀ ਸਾਫ

ਗਿੱਦੜਬਾਹਾ ਵਿਖੇ ਚੋਰਾਂ ਵੱਲੋਂ ਇੱਕ ਘਰ ’ਚ ਰੱਖੇ 6 ਤੋਲਾ ਸੋਨਾ ਅਤੇ 55 ਹਜ਼ਾਰ ਰੁਪਏ ਨਕਦੀ ਨੂੰ ਲੈ ਕੇ ਫਰਾਰ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਮਾਮਲੇ ਸਬੰਧੀ ਪੀੜਤ ਜਸਵੰਤ ਸਿੰਘ ਨੇ ਦੱਸਿਆ ਕਿ ਉਸਦੀ ਪਤਨੀ ਘਰ ਨੂੰ ਤਾਲਾ ਲਗਾ ਕੇ ਬੇਟੀ ਦੇ ਘਰ ਗਈ ਹੋਈ ਸੀ ਅਤੇ ਉਹ ਅਤੇ ਉਸਦਾ ਬੇਟਾ ਜਦੋਂ ਕੰਮ ਤੋਂ ਘਰ ਵਾਪਸ ਆਏ ਤਾਂ ਘਰ ਚੋਂ 55 ਹਜਾਰ ਰੁਪਏ ਨਕਦੀ ਅਤੇ 6 ਤੋਲਾ ਸੋਨਾ ਗਾਇਬ ਸੀ। ਪੀੜਤ ਨੇ ਦੱਸਿਆ ਕਿ ਉਸਨੇ ਪੁਲਿਸ ਨੂੰ ਇਸ ਸਬੰਧੀ ਸ਼ਿਕਾਇਤ ਦੇ ਦਿੱਤੀ ਹੈ ਅਤੇ ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਪੁਲਿਸ ਵੱਲੋਂ ਚੋਰਾਂ ਨੂੰ ਜਲਦ ਫੜਣ ਦਾ ਭਰੋਸਾ ਦਿੱਤਾ ਗਿਆ ਹੈ।