ਸਿੱਧੂ ਮੂਸੇਵਾਲਾ ਦੇ ਪਿਤਾ ਨੇ ਇਨਵੈਸਟੀਗੇਸ਼ਨ ਟੀਮ ਦੀ ਕਾਰਵਾਈ ਉੱਤੇ ਜਤਾਇਆ ਭਰੋਸਾ

ਸਿੱਧੂ ਮੂਸੇਵਾਲਾ ਦੇ ਪਿਤਾ ਬਲਕੌਰ ਸਿੰਘ ਨੇ ਐਤਵਾਰ ਦੇ ਦਿਨ ਘਰ ਪਹੁੰਚੇ ਸਿੱਧੂ ਦੇ ਪ੍ਰਸ਼ੰਸਕਾਂ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਜੋ ਕੰਮ ਪਹਿਲਾਂ ਹੋਣਾ ਚਾਹੀਦਾ ਸੀ, ਉਹ ਹੁਣ ਸੁਰੂ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਇੰਨਵੈਸਟੀਗੇਸ਼ਨ ਵਿੱਚ ਸ਼ਾਮਲ ਵੀ ਹੁੰਦੇ ਰਹੇ ਤੇ ਨਿਕਲ ਜਾਂਦੇ ਸੀ, ਕਿਉਂਕਿ ਪਹਿਲਾਂ ਇੰਨਵੈਸਟੀਗੇਸ਼ਨ ਕਰਨ ਵਾਲਾ ਐਸਐਚਓ ਹੀ ਗੈਂਗਸਟਰਾਂ ਨਾਲ ਮਿਲਿਆ ਹੋਇਆ ਸੀ ਇਸ ਕਰਕੇ ਅਸੀਂ ਕਿਵੇ ਭਰੋਸਾ ਕਰ ਸਕਦੇ ਸੀ ਤੇ ਹੁਣ ਸਾਰੀ ਇੰਨਵੈਸਟੀਗੇਸ਼ਨ ਦੁਬਾਰਾ ਤੋ ਸੁਰੂ ਹੋਈ ਹੈ। ਹੁਣ ਰੋਜ ਨਵੇਂ ਬਿਆਨ ਦੇਣ ਦੀ ਜਰੂਰਤ ਨਹੀ ਕਿਉਂਕਿ ਮੇਰੀ ਪ੍ਰਸ਼ਾਸਨ ਨਾਲ ਵੀ ਗੱਲ ਹੋਈ ਹੈ ਆਪਾਂ ਜੋ ਜੋ ਮੁੱਦੇ ਦਿੱਤੇ ਹਨ ਉਨ੍ਹਾ ਉੱਤੇ ਕੰਮ ਸ਼ੁਰੂ ਹੋ ਗਿਆ ਹੈ।